حقيبتك اليدوية ورجيناا عليهاا يأآآآمر

[وردة فرساي]

صباحكم \/مساكم



سرور وافراح





http://www.cu-g.com/vb/images/smilies/cu-gcom%20(38).gif


حقيبة البنت اليدوية..




تحتوى على الكثير من اسرارها..




وطبعا .. الحقيبة مهمة جدا لنا..تحوي بعض اسرارنآ الخاصه جداا..



ولاننسي ان جمال الشنطة وتنظيمها مهم جدا لنآ ..



يعني علبة مكياج صغيرة مرتبة مومكسورة..http://www.rooyl.com/vb/images/smilies/wew%20(206).png


http://dc05.arabsh.com/i/00226/mg547fm2fdw4.gif (http://arabsh.com/)



حافظة للجوال.. محفظة... مفاتيح



http://www.lakii.com/vb/smile/1_145.gif





http://dc01.arabsh.com/i/00574/c288zq56d8u6.gif (http://arabsh.com/)


فرشاة شعر.. وغيرها وغيرها..


http://dc01.arabsh.com/i/00574/sytyxlhfp0gv.gif (http://arabsh.com/)





طبعآ الترتيب والتنظيم داخلهايدل على شخصياتنا



طيب بقوولكم وش المطلوب نبغى نسوي..




{تفتيش على شنطكم} http://www.rooyl.com/vb/images/smilies/R_375.gif


راح اختار اول عضوة وراح


تفتح لنا شنطتها وتقول لنا إيش فيها





..






وتصور شنطتها واللي جواها .>> أختياري





وكم سؤال بس على الطاير.. ؛







*ماهي اهم الاشياء الضرورية بحقيبتك ولاتستغنين عنها !!







*هل تكون مرتبة من الداخل او حووسة ؟؟..






*وش الالون المفضلة لديك للحقيبة؟وكم حقيبة لديك بكل صراحة؟؟





* ممكن موقف سريع حصل لك ..يعني نسيت شئ مهم من حقيبتك؟نسيتي حقيبتك بمكان مثلا !!





اتمنى الفكرة تعجبكووم


لكل عضوة مختارة مهله لمده لا تزيد عن اسبوع للاجابه والمناقشه

وراح اختار

حلوتنا حلومه

ننتظرك



http://www.cu-g.com/vb/images/smilies/1b2597ceec.gif

[حلومه]

اقتباس:



راح اختار اول عضوة وراح


تفتح لنا شنطتها وتقول لنا إيش فيها





..






وتصور شنطتها واللي جواها .>> أختياري





وكم سؤال بس على الطاير.. ؛







*ماهي اهم الاشياء الضرورية بحقيبتك ولاتستغنين عنها !!


أهم شي و أول شي بالجنطة اهي المنظرة الشخصية لاااااازم تكون موجودة وثاني شي الحمرة والكلنكس هالاشياااء مستحييييل استغني عنهم




*هل تكون مرتبة من الداخل او حووسة ؟؟..


ا طبعا لازم مرتبة لأنه عندي جنطة خاصة حق هالسوالف يعني اي شي ابيه القاه بسرعة



*وش الالون المفضلة لديك للحقيبة؟وكم حقيبة لديك بكل صراحة؟؟


أفضل الالون اولاً الاسود بعدين الابيض والله ما حسبت جم جنطة بس يعني من كثرهم نصهم بالكبت ونصهم على علاقة الملابس ونصهم بالـ ستاند:blush: لا احد يضحك علي والله ما اقدر افرط فيهم احتاجهم


* ممكن موقف سريع حصل لك ..يعني نسيت شئ مهم من حقيبتك؟نسيتي حقيبتك بمكان مثلا !!


اييي صار لي موقف باااايخ بالافنيوز الاسبوع اللي طاف كنت حاطة حمرة حمرا ماركة كرازا وطبعا هالماركة يبيلج كل شوي تحطين من الحمرا لانها تروح بسرعة ولما شربت كوفي راحت الحمرا وصار شكل حلجي يخرع جناا مشقوق ولما قعدت ادور عالحمرة والا ناسيتها :angry2: رديت البيت وقطيت الحمرا على طوووول لاني حقدت بيومها وكرهتها:sad:


اتمنى الفكرة تعجبكووم


لكل عضوة مختارة مهله لمده لا تزيد عن اسبوع للاجابه والمناقشه

وراح اختار

حلوتنا حلومه


ننتظرك



http://www.cu-g.com/vb/images/smilies/1b2597ceec.gif






مشكوووووووووووووووووووووووووووووووورة حياتي على اختيارج لي والموضوع اكثر من رائع فديتج فديتج فديتج:blush:

[حلومه]

http://up.arab-x.com/Oct09/gep00745.jpg (http://up.arab-x.com/)

طبعا هاذي جنطتي كوكو شنيل اللي أغلب الاحيان استخدمها بالطلعة ومعاها محتوياتها اللي داخل :good:


http://up.arab-x.com/Oct09/oEO00745.jpg (http://up.arab-x.com/)

اهني سويت زووم حق الصورة عشان اقول لج الاغراض بالضبط شنو.. طبعا كل بنت تحتاج معقم حق الايدين تستخدمه بعد الوجبة برا البيت او اي وقت تحتاجه، وبوكي فندي، وطبعا مثل ما تشوفين منظرتين،وعطرين اول واحد عطري المفضل سلين ديون والعطر الثانيmim ياني هدية من غلاتي من البحرين :blush: ولازم يكون معاي على طول


http://up.arab-x.com/Oct09/75I00745.jpg (http://up.arab-x.com/)

هاذي طبعا محتويات جنطة المكياج والجنطة شاريتها من ذي بدي شوب واستقليتها حق المكياج طبعا الكرتون الاسود فيه 4 الوان حمرات من قيرلان ويمه علبة شدو ديور الوان درجات السموكي وصج نسيت الماسكرا ضد الماي من صيديلة شاريتها واااايد روعة على الرموش وفيها فيتامين سي وتحت عاليمين
الـrefill من نيفيا يلزمني للضرورة وقت الطلعة واايد حلو ومناسب على بشرتي بعده 4 اقلام كحل من مبروك وكحل اسود من ماكس فاكتور انسب كحل على عيوني وما يسيح من العيون وبعده قلوس اللي يتفخ الشفايف ;) ماخذته من ماكس فاكتور لونه لحمي وااااايد حلو وينفع حق تفخ الشفايف يعني بلا ابر بلا بطيخ (ههههههه) وبعده حمرتين من صيدلية بوتس كل حمرا مع القلوس مالها ماركةnatural collection وااايد يهبلووون وكل حمرة فيها نكهة غير يعني ما تلوع جبدج منها ويمهم حمرة توني شاريتها من نيفيا لونها احمر ورقمها 33 فيها لمعة خفيفة وايد روعة عالشفايف ويمها دبل قلوس ماركة فلورينا طبعا ماخذته من الهنود (هههههههه) بس والله يثبت عالشفايف وما يطبع وبعده قلوسات من ماركة جربيني شريتهم من الحمرا مول الوانهم بنااااتية وتيننن عجبوني وااااايد والعلبة الصغيرة المدورة اللي فوق الحمرات لونها ابيض هذا قليتر شاريته طبعا من تايلاند مو من الكويت بس وايد حلو حق اي لون شدو تحطينه وآخر شي علبة ماك في آي شدو لون الـ موف (بنفسجي) ودرجاته مع بلشر وردي فاتح وغامج و 4 ألوان حمرات

http://up.arab-x.com/Oct09/H3Y01645.jpg (http://up.arab-x.com/)

وآخر شي هاذي المناديل استخدمها عن الجراثيم مناديل ديتول.. وبسسسسسسسس

وثنكس

[وردة فرساي]

الغاليه حلومه

أسعدني تواجدج وتعطيرج للمتصفح بردودج ونشاطج ومجهودج المميز

ماشاءالله عليج ابدعتي وتدرين اللحين الشنطات الكبيرة وايد فادتنا من قبل على أيام موضة الشنط الصغار مانقدر نحط فيهم اشياء وايد بس اللحين نحط فيهم كل شي

الأرواج والميك اب وايد حلو عليج بالعافيه

بس الله يهداج منظرتين ليش ههههه


شاكرة لكِ من الأعماق على هذا التواجد وقبول الدعوه

ودي قبل ردي

[وردة فرساي]

بأنتظار تعليق بقية العضوات

[أخت الشقرة]

هههههههههههه

الآخت العزيزة // حلومة ..

ماشاء الله عليج ... آوونه عاد عكسج تماما الي فوقي تترس الشنطة بكل شي هههههه حتى تحسين ان الشنطة آثقل منها مادري شلي حادها ع الشقا هههههههه

ع العموم الله يعطيج العافية آستمتعت كثير بآجوبتك وصورج وتعليقاتج ..

وهالمرة باجرب كحل من ماكس فاكتور ان شاء الله ما يسيح ..

وعساج ع القوة حلووووووووومة هااااااااااااانم ...

ومشكورة مشرفتنا وردة فرساي ع الطرح الراااااااااااائع ..

تقبلوا مروري

=)

[حلومه]

الشكر يعود لمجهودج الطيب حبيبتي وردة فرساي
أبدعتي في طرح الموضوع وتنسيقه و تفاعلج بالتعليقات و ارسال دعوات للعضوات
أما المنظرتين هههههههههههه لزوم الاحتياط p:

عزيزتي\ اخت الشقرة اشكرج على مشاركتج الطيبة ومروج الرائع دمتي بتألق وود :) واتمنى كحل ماكس فاكتور يعجبج ;) والجنطة الكبيرة ضرورية هالايام صدقيني (هههههه)

[كيوت بطعم التوت]

موضوع حلو بصراحه وفكرته حلوه ..

احس شنطة حلومه فاضيه ومرتبه حدها بالنسبه لشنطتي ..

تخيلوا مره فتحت الشنطه في المحاضره ادور قلم لقيت فيها طبل صغير و ديناصور بنتي حاطتنهم ..

وساعات اوديها معاي الجامعه القى فيها فستان صغير مال بنتي ههههههه .. ما بخرب بنتظر يجي دوري وبراويكم البلاوي الزرقه اللي فيها ..

يعطيكم العافيه ..

[تهبل وتستهبل]

وردة فرساي ,,, موضوع نايس كثير ..

تسلمي قلبووووو على الأفكار ..


وحلومه ههههههههههههه كل هذا في الشنطه

الحمدلله موضه الشنط الكبيرة خخخخخخخ
ويعطيك العافيه ,,,


لاهنتوا حبايبي ..

[وردة فرساي]

شاكرة للك من اخت الشقرة & كيوت بطعم التوت & تهبل وتستهبل

على تنوير المتصفح بردودكم واطلالتكم العذبه

والشكر موصول الى الحلوة حلومه على قبولها الدعوه

واللحين يا حلومه اذا ماعليج امر ترشحي عضوة بعدج

[حلومه]

أصــــوت حق اخت الشقرة

تورينا جنطتها الصغيرووونة

[أخت الشقرة]

يؤيؤ يؤيؤ لاحول ولا قوة الا بالله العلي العظيم ..

وهقتيني اللي فوقي الله يسامحج بس .. ^^ خلينه نتفاهم ..

ماكو فايده ..

نبلش آجوبة ..

ماهي اهم الاشياء الضرورية بحقيبتك ولاتستغنين عنها !!

آممممممم تلفوني العجووبي .. ومحفظتي الكشوووخية ههههههههه








*هل تكون مرتبة من الداخل او حووسة ؟؟..

أوف كورس مرتبه وعليه عليها من كبرها عااااااااااااااد .. :)







*وش الالون المفضلة لديك للحقيبة؟وكم حقيبة لديك بكل صراحة؟؟

آحب الجنطة السوووووووده آكثر شي^^ بس آحب الالوان اللي تدخل مزاجي ..
وجم جنطه عندي مو وايد بس حق الجامعة ماحبهم ولا آحب آستعملهم .. هع هاع



* ممكن موقف سريع حصل لك ..يعني نسيت شئ مهم من حقيبتك؟نسيتي حقيبتك بمكان مثلا !!

لا والله آغلب شي آذا آطلع ما آحمل معاي جنطه .. تلفوني ومحفظتي ف يدي ..

ومشكورة آختي حلومة ع اختيارج لي ^^ مو من قلبي ..

والله يعطيج العافية مشرفتنا ع الطرح ..

تقبلوا مروري

=)

[سلمان الرشيدي]

الزميله/أخت الشقره
لاتهربين طلعي ألي بداخل جنطتج وصوريهم مثل حلومه
وخليج خوش بنت بسرعه
ودمتي بصحه وسعاده

[الورده]

شكر خاص لصاحبة الموضوع المتميز// وردة فرساي

دائما مميزه في أطروحاتج ومواضيعج فلكي مني أجمل تحيه

وأشكر أختي // حلومه على هالابداع اللي بالشنطه

الصراحه لما شفت أغراضج وكأنش أختي الصغيره بالضبط

وأشكر أختي // أخت الشقره

وأقول لها أحسدج على الموقف اللي صرتي فيه

ههههههههههههههههههه

دمتم جميعا برعاية الباري وحفظه

[أخت الشقرة]

ههههههههههههههههههه

الآخ الفاضل // سلمان الرشيدي ..

ان شاء الله اذا مزاجي آستعدل بكرة باصور لك جنطتي .. هع هاع ..

الآخت الفاضلة // الوردة ..

ههههههههههههه شفتي اشلون .. اللهم لا حسد آخاف بس آطلع من البيت تلفوني يطيح من يدي وينكسر من عيونج .. ^^ آتغشمر ..

ياختج ماعرف حق الجناط حتى سآلي وردة فرساي آقولها ودي آروح الجامعة من غير جنطة .. آتملل ..

آشكركم ع تعليقاتكم اللي آسعدتني ..

=)

[الورده]

غاليتي الله يحفظش

ترى عيوني نص ونص ...ههههههههههههههههههههه

يعني على المزاج

دمتي غناتي بحفظ الباري ورعايته

[أخت الشقرة]

ههههههههههههههه يامعوووووووودة آتغشمر معاج ..

عاد اذا تلفوني صاده شي وشويات يباااااااا عادي ^^ مو من قلبي .. ههههههههههههه

الله يستر من مزاجج النايسوووو ..

=)

[حلومه]

ههههههههههههههههههههههههههه

فديتج .. اخترتج لتميزج ارنوبتي بنيتي :)

[الورده]

خلاص يباااااا أييب لج تليفون ثاني

كلش ولا صديقتي الصدووووووق

فديتج وفديت تليفونج شكله حده أثري ..؟


ههههههههههههههههههههه

[سلمان الرشيدي]

مشرفتنا الحبيبه/ أخت الشقره
أنا ناطر يستعدل مزاجج وتصورين ألي بداخل جنطتج
وعيني بارده مو حاره مثل بعض الناس
وتسلمين ويسلم تيلفونج الحبوب
بس لازم نشوف كل ألي بالجنطه

[أخت الشقرة]

ههههههههههههههههههههههههههه يامعوده تصدقين عاد من المتحف شريته ههههههههه آثري قووح ..
مصنوع من الفخار ...

آختي الفاضلة // حلومة ..

يامعوووودة آي تميز .. بس نوبروبلم وهقتيني الحين^^ آتغشمر .. متششششششششششششكرة آوي ..

الآخ الفاضل // سلمان الرشيدي ..

آنتظر ماوراك شي وآصلا تصوير الجنطة شي آختياري مو الزامي بس باصور اذا فضيت ولا يهمك ^^ الحرمة بيزي ههههههههههه

ومشكورين كلكم ..

=)

[كيوت بطعم التوت]

بيه بس تلفون وبوك وانتي قاحصه ..

<=== افتقدت الطلعه الخفيفه ...

يعطيش العافيه خيو ..

[وردة فرساي]

اخت الشقرة

نورتي الموضوع وكل الشكر لج على قبول الدعوه


فديت رفيجتي حتى اغراضها وشنطته صغنونه مثلها

نعوووووووووووووووومة

والله الشنطه صارت هم تكسر الظهر احسن شي تسويه اخت الشقرة تاخذ شنطة صغنونه مثلها

اخت الشقرة استمتعت بقراءة اجوبتج واللي اعرفها قبل ما تكتبيها

زاد الموضوع نورا وتألقا بتواجدكِ غاليتي

ودي قبل ردي

[لوتس المطيري]

الصراحه ..الشكر موصول لأختي ..وردة فرساي

على هالطرح المميز والروعه ..الي شد انتباهي من طرافته ومن حلاوته بهد ......."

الصراحه ابدعو خواتي ..(حلومـــــــــــــه ..وأخت الشقرة ..) ...زادو حلاوة الموضوع حــلا ..."


والور الجــــــــــــــــــــــــاي على منو .....؟؟؟"

[أخت الشقرة]

مشرفتنا كيوت شفتي اشلون ..

الله يعافيج ويسلمج ..

بعد ليش جنطة وعوار راس , آحب آكون خفيفة ..

=)

[أخت الشقرة]

ههههههههههههههههههه

العفو طال عمرج .. حاضرين ياالسالمة ..

ع بالج آنتي كل جنطة آكبر من الثانية ماصار قلم وبوك وتلفون ف هالجنطة عشان تكون جنطتي عودة هههههههههههههههه ..

ان شاء الله الكورس الياي باشوف لي جنطة عودة مثلج باخليج تشيلينها بدالي خبرج انتي متعودة ع الشي الثقيل .. :)

ومشكورة حبيبتي ..

=)

[أخت الشقرة]

آهلا وسهلا لوتس ترى عندج بدلية ههههههههههههههههههههه

العفو طال عمرج .. نورتي موضوع صديقتي ..

الدور ان شاء الله الجاي عليج آبشري بعزج هههههههههههه

=)

[وردة فرساي]

بأنتظار تعليقات بقة الأعضاء وبعد 3 ايام من اليوم يجب على مشرفتنا اخت الشقرة ترشيح عضوة

[أخت الشقرة]

ان شاء الله عمتي وردة .. :)

=)

[أخت الشقرة]

السلام عليكم ورحمة الله وبركاته ...

بما ان خلصت المدة ..

فالمشرفة آخت الشقرة اللي هي آنا ..

قرريت آرشح .. :)

المشرفة العزيزة كيوت بطعم التوت هاااااااااااااااانم ..

يلااااااا آم زهووووووور ف انتظار آجوبتك العجوووووووووووووبية ..

فديتج

=)

[كيوت بطعم التوت]

:thnQ:مشكوره اخت الشقره حبيبتي على اختياري ..

ان شاء الله اليوم بجاوب عالاسئله وفي اسرع وقت راح اصور الشنطه واللي فيها لعيونكم.. :timid2:


*ماهي اهم الاشياء الضرورية بحقيبتك ولاتستغنين عنها !!
- معقم اليدين ديتول. :sleep:
- عطر. :timid3:
- صابون. :cleans:
- مفاتيح السياره لسبير. :Shocked9:
- كلينكس. :sad:
- قلم. :thinking:
- علوج . ;)
والباقي عادي استغني عنهم ..

*هل تكون مرتبة من الداخل او حووسة ؟؟..
كلمة حوسه قليله عليها .. لانها تكون فيها اغراض وايد وكل مره ادور مفاتيح السياره امسكها واطلع اللي فيها كله بالشارع والاقي المفاتيح ..وارجع احطهم بسرعه بسرعه بدون ترتيب..
:oppressed2:


*وش الالون المفضلة لديك للحقيبة؟وكم حقيبة لديك بكل صراحة؟؟الاسود .. بصراحه عندي وايد .. بس م احب اخليهم كل ثلاث شهور اوزعهم واشتري غيرهم ..

لأني ما البسهم وايد حرام .. الشهر اللي فات يمكن وزعت 15 شنطه و تبقى عندي فوق 30 .. :friends:


* ممكن موقف سريع حصل لك ..يعني نسيت شئ مهم من حقيبتك؟نسيتي حقيبتك بمكان مثلا !!
إي مره نسيت شنطتي في مجمع البحرين في محل .. ولما تذكرت ورجعت لها لقيتهم سرقوا تلفوني منها :saad:

وانتظروا صور لشنطتي ومحتوياتها قريباً ... هآآآآآآآآآآآآع~

[أخت الشقرة]

هلااااااااوغلااااااااااا بمشرفتنا

نورتي فديتج والله ..

تدرين عاد آهم شي العلووووووووج بالجنطه ههههههههههه بس آنا آكيد ف يدي آو مخباتي هههههههههههههه

آتحفتينه بآجوووووبتج العجووووووووووبية .. وبانتظار لويتج قصدي إجناطج ..

=)

[وردة فرساي]

الغاليه كيوت بطعم التوت

ها قد انرتي الموضوع بتواجدكِ وردودكِ الرائعه

والظاهر انتي بعد عندج ادمان بالشنط ههههههههههههههههههههه


وحاليا احس مستحيل شنطة كبيرة تكون مرتبه وخصوصا اذا فيها اغراض وايد


بس اححد ينسى شنطه اشكبرها شلون نسيتيها يعني لو كان شي صغير بيدج ونسيتيه تصير وايد بس الله يهداج احد ينسى الشنطة ديري بالج لان لو لاسمح الله اضيع بطاقة البنك او بطاقة الهويه بتصير لج سالفه


وبأنتظار عودتكِ

[لوتس المطيري]

بنتظااارك اختي كيوتك الصراحه نورتي ..والشكر موصول لوردة فرساااي على الموضوع الروعه

[كيوت بطعم التوت]

هلااااااااوغلااااااااااا بمشرفتنا

نورتي فديتج والله ..

تدرين عاد آهم شي العلووووووووج بالجنطه ههههههههههه بس آنا آكيد ف يدي آو مخباتي هههههههههههههه

آتحفتينه بآجوووووبتج العجووووووووووبية .. وبانتظار لويتج قصدي إجناطج ..

=)

اي صدق لعلوج مهم واجد ..

خلاص صورتها وجهزتها الحين احطها ..

تسلمين حبيبتي..

[كيوت بطعم التوت]

الغاليه كيوت بطعم التوت

ها قد انرتي الموضوع بتواجدكِ وردودكِ الرائعه

والظاهر انتي بعد عندج ادمان بالشنط ههههههههههههههههههههه


وحاليا احس مستحيل شنطة كبيرة تكون مرتبه وخصوصا اذا فيها اغراض وايد


بس اححد ينسى شنطه اشكبرها شلون نسيتيها يعني لو كان شي صغير بيدج ونسيتيه تصير وايد بس الله يهداج احد ينسى الشنطة ديري بالج لان لو لاسمح الله اضيع بطاقة البنك او بطاقة الهويه بتصير لج سالفه


وبأنتظار عودتكِ

تسلمين حبيبتي ..

كنت تعبانه وايد .. وقعدت شوي ارضع بنتي .. ولما قمت شلت بنتي وخليت الشنطه وتذكرتها عقب رجعت لقيت باقوا تلفوني .. يالله شسوي .. الله كريم خيتو..

[كيوت بطعم التوت]

بنتظااارك اختي كيوتك الصراحه نورتي ..والشكر موصول لوردة فرساااي على الموضوع الروعه

منوره بوجودش يالغاليه ..

[كيوت بطعم التوت]

السموحه عالتأخير حبايب قلبي ..

جبت الشنطه وطبعاً عفسه عفسه عفسه .. قلت الحين بصور الاغراض وبرتبها مره ثانيه ..http://up4.m5zn.com/9bjndthcm6y53q1w0kvpz47xgs82rf/2010/1/22/11/ur7bejquh.jpg

<=== كنت لابسه ثياب بيج امس وانا طالعه فيها ههههههههههههه ..

انزين خليت الاغراض عالطاوله وللأمانه حطيت كل شي في الشنطه ..

http://up4.m5zn.com/9bjndthcm6y53q1w0kvpz47xgs82rf/2010/1/22/11/kjayy0nic.jpg

1- أوراق مال الجامعه .. أعتقد جدول الكورس اللي بيجي وياه اوراق دفع ما ادري شنو ..

2- بوكي ..

3- مسك حق بنتي ..

4- عطري ..

5- تراجي لقيتهم في الشنطه الظاهر اني شريتهم من زمان وانا ما ادري ..

6- شباصات بنتي ..

7- ما ادري شنو هذا بنتي حطته في الشنطه الظاهر تحط فيه تلفونها ..

8- كريم لليدين دوف ..

9- مفتاح السياره وجبت له ميدليه كبيره عشان ما يضيع بالشنطه..

10- دعاء..

11- مشط .. حق اذا كش شعر بنتي بسرعه استأنف الوضع واعدله..

12- قرآن صغير حق رب العالمين يحفظني من كل سوء..

13و 14 - هذا مكياجي الخطير .. مسكره ومرطب شفايف لابيلو ههههههههههههههههه ..
<== تكسر خاطر روحها..

15- علوج ..

16- هذا لاني كل مره اضيع بستي سنتر وما احب ادور عالمحلات أقرا وين موجود المحل واروح بسرعه اشتري وامشي ..<== ما تحب تفرفر ..

17 و 18 - المسكره اللي عندي ضد الماء من جذي شريت لها كريم ازالة المكياج وقطن ماله ..

19- هذي العلبه صغيره كان فيها صابون بنتي ولما فضت حطيت فيها صابون ديتول سائل حق اذا في الجامعه بغيت اغسل يدي ..
<== وسواسية نظافه..

20- ديتول سائل تعقيم اليدين..

21- منظره.. حق اعدل الشيله 24 ساعه هههههههههه...

22- ادمان بندول .. اشيل العلبه كامل من كثر ما اشرب وعندي فوق 4 علب لاني اشتري واحط العلبه واشتري واحط العلبه ..

23- فلاش ميموري USB..

24- ادوات الجامعه .. قلم بنسل ومحايه وقلم ازرق وبلانكو ومسطره و ابر حق البنسل..

25- آله حاسبه لاني تخصص محاسبه ..

26- أرصده قديمه مال البنك وكوستا ورصيد مال امس كنت في ستار بكس..

وسلامتكم..

اي صدق رديت حطيت الاغراض بالشنطه بدون ترتيب حق تنصك هههههههههههههههه ..

<== مافيه فايده..

[أخت الشقرة]

ههههههههههههههههههههههههههههههههههه

يقولج بوطبيع مايوز عن طبعه ههههههههههههههههههه

ماشاء الله ..........

اي ده كُله ..

تدرين يوم آشوفج آخر مرة جنطتج اشحلاته مرتبه مو هيك لووووووويه ههههههههه ..

آستمتعت بمشاهدة آغراضج العجوووووووووووبية ..

وبوسي لي زهووووووووور فديتها ..

ثانكيووووووووو حبيبتي وربي يعطيج العافية ..

=)

[لوتس المطيري]

الله يعطيج العافيه يارب اختي كيوت

الصراحه اعجبتني فويتج وإذا على المافي فايده ما في فايده ... لابد من انهم ينعفسون داخل االشنطه


تسلمين على التصوير الحلو ....

[كيوت بطعم التوت]

ههههههههههههههههههههههههههههههههههه

يقولج بوطبيع مايوز عن طبعه ههههههههههههههههههه

ماشاء الله ..........

اي ده كُله ..

تدرين يوم آشوفج آخر مرة جنطتج اشحلاته مرتبه مو هيك لووووووويه ههههههههه ..

آستمتعت بمشاهدة آغراضج العجوووووووووووبية ..

وبوسي لي زهووووووووور فديتها ..

ثانكيووووووووو حبيبتي وربي يعطيج العافية ..

=)

شفتي شلون ...

الله كريم هههههههههههههه..

توصل البوسه يالغلا ..

[كيوت بطعم التوت]

الله يعطيج العافيه يارب اختي كيوت

الصراحه اعجبتني فويتج وإذا على المافي فايده ما في فايده ... لابد من انهم ينعفسون داخل االشنطه


تسلمين على التصوير الحلو ....

اي والله ضروري ينعفسون بالشنطه..

وانا احطهم بالشنطه حطيت رموت التلفزيون ... وقعدت ادوره طول اليوم ههههههههههههه..

<=== شفتي الترتيب شلون ..

تسلمين حبيبتي ..

[كيوت بطعم التوت]

أختار لوتس المطيري ..

يالله حبيبتنا ورينا شنطتش و شنو فيها ..

[شفايف عسل]

هههههههههههههههههههههههههه الف شكر اتي كيوت على تصورير شنطتج


والي فيها بصراحه .... مشكوره ... يالله يالله لوتسوووه ورينا شنو في شطتج من بلاوي

[لوتس المطيري]

إنشــــــــــــــــــاء الله ,,,,, بوريكم ...


تــــــــــــــــــــــــــــــــــــــــــــم .... راجعه لكم قريب .

[وردة فرساي]

كيوت بطعم التوت

أعتذر على التأخير

تدرين انا بعد لازم البندول بالشنطة والحبن استخدم الأحمر اكسترا وخصوصا للجامعه ، والاله الحاسبه
شنسوي بالشنطه ههههههههههههههه المفروض تشيلينها ايام الأجازة لان من كثر الأغراض بتنكسر

شاكرة لج تفاعلج ومجهودج الطيبه

ودي لكِ

[كيوت بطعم التوت]

كيوت بطعم التوت

أعتذر على التأخير

تدرين انا بعد لازم البندول بالشنطة والحبن استخدم الأحمر اكسترا وخصوصا للجامعه ، والاله الحاسبه
شنسوي بالشنطه ههههههههههههههه المفروض تشيلينها ايام الأجازة لان من كثر الأغراض بتنكسر

شاكرة لج تفاعلج ومجهودج الطيبه

ودي لكِ

تسلمين حبيبتي ..

يقولون الاحمر مو زين يأثر عالمخ .. من جذي دايم الازرق وياي..

ما ادري ليش ما اشيل الاله الحاسبه ههههههههههههههه ..

ما تقصرين يالحلوه.. وحشتيني انتين واخت الشقره من قلب ..

[لوتس المطيري]

:good: مشكوره اختي كيوت ... على اختياري .....



*ماهي اهم الاشياء الضرورية بحقيبتك ولاتستغنين عنها !!

[COLOR="teal"] اممم المنظره



القلم والنوت


الكلنكس ...



والبوك


والنقال ....


والكحل القلم ..والحمره ..


والمعقم ... وحلاو نعناااع ...(بس)











*هل تكون مرتبة من الداخل او حووسة ؟؟..

امممم على حسب .. بعض المراات تكون حوسه وبعض المرات تكون

تكون مرتبه ... وبعض المراااات اتهوي احذف الي فيها وحط البوك

والنقـــال .. بس اذا في طلعه اطراريه ومو مزهبه لها .. بس الاغلب

اهم الاغراض ينعفسون ... خخخخ


*وش الالون المفضلة لديك للحقيبة؟وكم حقيبة لديك بكل صراحة؟؟

اممم والله اممممم على حسب ما افضل لوون معين اهو على حسب


الي مو موجود عندي احرص انه يكون عندي .. من الالوان الناقصه .


وكم شنطه امممم اتصدقون ما حسبتهم حروة كذا 16 شنطه او اكثر ...



* ممكن موقف سريع حصل لك ..يعني نسيت شئ مهم من حقيبتك؟نسيتي حقيبتك بمكان مثلا !!

اممم ما نسيتها بشكل مباشر كنت ناسيتها بالسياره ..شاريه

وخالصه وكنت عند الكاشير ابي ادور الشنطه ....ولا بالسياره (موقف ما انحسد

عليه .ههههه)


وانشاء الله قريب اصور لكـــــــــــــــم الشنطه والي فيها .... :good:

[لوتس المطيري]

هاذي شنطتي (ماركة GUESS )

http://www.77o77.com/uploads/images/77o77.com-baa24658ce.jpg



http://www.77o77.com/uploads/images/77o77.com-ebf71df2bc.jpg



هاذي الشنطه والي فيها ....





[COLOR="sienna"][SIZE="4"] هاذي الي فيها .... يالله نبدأ من اليمين :


اليمين : ديتول

حمرة مخمليــه أحبها كثير حمر غامج : NOUBA

حمره لحميه اهي والي فوقها ما يفارقون شنطتي .. REVOLN

كحل قلم أخضر : احب استخدمه ماركة M.A.C

وكحل قلم أسود طبعاً اتشوفونه صغير مستهلك .ماركة PALLADIO

العطر البنفسجي .. ريحته اتعجبني اسمه " ALIN

والعطر الثاني الصغير (احبه كثير احس اشوف نفسي فيه .وما يقارقني حيل احبه :timid3:BOSS FEMME


بعدين المنظره تدرون البنات واهم شي الميرور الزرقه .


والنوت والقلم هم ما يقارقوني بشنطه .

وآآخر شي وليس آخراً . نقالي توني شاريته اليوم جديد بلزقاته IPHONE:phon:


بس وخلصت .. وذي شنطتي والي فيها .. . تسلمين كيوت على الاختيار وانشاء الله كفيت


ووفيت غناتي.. :friends::friends: M

[كيوت بطعم التوت]

كفيتي ووفيتي خيتي ..

بصراحه احس الشنطه مرتبه حدها .. بالنسبة لي ..

<== يا هيك الترتيب يا بلا ..

اليوم طلعت شنطه جديده توني شاريتها وبس فتحتها و صبيت الاغراض فيها صب بدون ترتيب ههههههههههههه..

بس عطر بوس اموت بريحته ..

ذووق يالغلا..

[أخت الشقرة]

ماشاء الله ...

الآخت العزيزة // لوتس المطيري ..

مشكورة يابعدي ..

خووووووووووووووش جنطه عجوبية مرتبة مابقى الا المشط بعد .. هع هاع

وربي يعطيج العافية ..

كفيتي ووفيتي ..

آحسنتي الاختيار مشرفتنا كيوت ..

=)

[مشعل..]

يااااااااااااااااسـلااااااااااام على هالشنطه لوتس والي فيها ..

[وردة فرساي]

لوتس

ماشاءالله عليج منظمه واغراضج خفيفه

والحمرة مخمليــه وايد حلوة

يعطيج الله العافيه على قبول الدعوه والمشاركه

نورتي غلااااتي

وبأنتظار تعليق بقية الأعضاء

[شفايف عسل]

فدييييييييييييييييت الشنطه ورااعيتها الصراحه حدها مرتبه والاغراض الي فيها شويه يبيلها

شنطه مشكنومه . بس انتي شكلج تحبين الترتيب ... بس حمرتج حدها حلوه المخمليه


ولا عطرج اذا رحت السوق بشمه بشم العطر الي يفسر لوتس ... كل الشكر لوتسسسسسوه

[لوتس المطيري]

حبيبتي اخت الشقره والله خوش مرور يالغاليه نورتي



ورودنه الله يسلمج وما تغلى عليج الحمره ...


مشعل شكرن على المرور


و........... عسل الله يسلمج والعطر هم ما يغلى عليج ......................


كيةت حبيبتي ما قصرتي واسعدني تواجدكم جد.....................

[لوتس المطيري]

اختــــــــــار الي بعدي اممممم



نختار اختنا شوارفيسكي ...................... يالله حبوبه ورينا شنو في شنطتج ...*-^

[SHwarviskya]

*ماهي اهم الاشياء الضرورية بحقيبتك ولاتستغنين عنها !!


اهم الاشياء يعني اللى لازم تكون بجنطتي 1-تلفوني. 2- سويجي. 3-بوكي. 4-جنظة مكياجي





*هل تكون مرتبة من الداخل او حووسة ؟؟..

شوفي مافي جنطه تكون مرتبه لانها تنشال بالأيد لازم خبصه بس الترتيب يكون بمواد الجنطه اللى تحتويها يعني البوك والعطر والسويج لازم يكون معفوس بالجنطه





*وش الالون المفضلة لديك للحقيبة؟وكم حقيبة لديك بكل صراحة؟؟


الالوان : الاســود .... والجنــاط وايـــد ماحسبتهم ولله :)



* ممكن موقف سريع حصل لك ..يعني نسيت شئ مهم من حقيبتك؟نسيتي حقيبتك بمكان مثلا !!

الله الله المواقف :) بس بقولكم موقف للحين مأثر بنفسيتي هههههه مره رحت مراجعتي بالمستشفى <--كنت حامل المهم قعدت بالمطعم الداخلي ترست بطني قمت وحركت ادور الجنطه ادورها يابنت الحلال (هالحجي عن الجنطه) تكفين طلعي هأأ وينها واحوس واحوس طبعا الحين وصلت نص الطريج صفطت صووب الروضه (منطقه بالكويت ) يعني تقدرون تقولون وصلت البيت المهم وانا قلت لا مايبيله خل انزل وادور ادور ..وجاري البحث مالقيتها ين ينوني قلت برد المستشفى ولا يحليلها لقيتها بالمطعم تنطرني وبما انه الكويت اماان محد باقها هههه اشوه لو بايقينها جان انا اعالج بالطب النفسي الحين ههههه الاغراض اللى فيها كانوا مهميين جان رحت فيها اي ولله وسلامتكم

[شفايف عسل]

عاد ورينا وشنطتج شوارفيسكي صوريها لنا وحطيها ... وموقفج لا تحسدين ليه خخخخ