الاعتداء على الدكاترة

[عادل العنزي]

انتيهنا والحمدلله من الميدتيرم اختبارات المنتصف
وكلنا شاف الغرائب والعجائب من بعض الطلبة المجتهدين !!! المجتهدين بالبراشيم
شنو تستفيد اذا دشيت الامتحان بالبرشامة والي أعجب بعض الطالبات الي
ماكو مكان الا وحاطه ببرشامة ليش نبرشم وأغلب المواد بالكثير ملخها
للامتحان 5 صفحات الحين احنا جايين ومسجلين ودافعين رسوم عشان اخرتها
يدبسون البرشامه بورقتك وآخرتها الي يمسكون تلقاه بعد الامتحان ماكو احد
مايترجاه فوق بالدور السادس هذا الي يستحي يسوي جذي والي مايستحي
مايعطي الدكتور ويتهاوش ياطالب يامجتهد يالي داش ببرشامتك اذا الدكتور
أو المراقب يقولك عطني الي معاك ( البرشامه ) وكمل حلك ماراح يصير عليك
شي تعاندوماتعطيه ليش شنو تسوى عليك تنطرد من اللجنه هل ترضى على
نفسك انكتنطرد من مكان ؟ انا متكلم عن البراشيم من ناحية انها حلال او حرام
لأن كلنا نعرف شنو انا اتكلم عنها من ناحية الحيا والمستحى ،،، وبسبب البراشيم
والعناد والطلبة الي يتهاوشون مع الدكاترة اغلب الهيئة التدريسية بالجامعه بدأت
بصراحه لاتحترم الطلبة الكويتيين والي ماسعناهم يتكلمون انا اقولكم راقبوا نظراتهم
وانا شخصيا مالومهم لأن ماكو احد فينا ماصار معاه موقف باللجنه الي
هو امتحن فيها ..... وسبب هلاعتداءات هو البرشامه والغش ياجماعه انت طالب تعرف معني شنو
لا زم تتحمل لان هناك في ناس تنرفزك وفي تتعمد هالشي فليش نسوي هاالسوالف ونخليهم يتقعدون
لنا فليش نجيب لأنفسنا الكلام ونجيب لأنفسنا الشبهه
وهذا التعليم يطالب بتوقيف الدراسة بالويك اند طبعا ماحط السبب على
أحداث الامتحانات لكن اقول من اسباب التوقيف طريقة ببالي كلام كثير
ومواقف رأيتها لكن هني بوقف وبشوف كلامكم عن هذا
وابي ارائكم بصراحه لأن هذي نظرتي ومراقبتي للوضع

[MiLano]

صح لسانك يا عادل العنزي وكلااااامك سليم 100 %

والمصيبة أن في بعض الطلبة والطالبات ( البعض ) وليس الكل

كل ما تقوله عيب وإلا ما يصير قالك : أنا داش بفلوسي !!!!!!!!!!!!!!!!؟؟

شنو أنتا مشتري العالم بفلوسك ؟؟ ترى كلها 500 دينار وفوق هذا تبي تشتري العالم !!!!!!!؟

أحترم الناس تحترمك ... ويا غريب كن أديب


وشكراً مرة ثانية أخوي عادل العنزي وصح لسانك

تحياتي لك


.
.

MiLano

[عادل العنزي]

صح بدنك حبيبي ميلانو ومشكور


اي والله دش على الناس باحترامك يحترمونك ويحطونك على روسهم

[مسلم الرشيدي]

السلام عليكم ورحمة الله وبركاته...


اخوي عادل جزاك الله الف خير على طرح هالموضوع اللي جد اشغل بال اكثر الطلبه الكويتيين.....


كل العالم يغشون ويبرشمون ويسوون اللي يسوون بس باحترام شديد لكن للاسف اللي شفناه واجد وماينسكت عليه ان الشباب او البنات يغشون واذا صادوهم يقلون ادبهم.....؟؟؟؟

هذي ماصارت.....فوق شينه قوات عينه.........

للاسف وانا اكلمك بصراحه وانا احترق من داخل سمعتنا يالطلبه الكويتيين صارت مشوهه قدام الدكاتره او طلبة الجامعه اللي مو كويتيين وكل هذا علشان برشامه او تلفون وسماعة بلوتوث....؟؟؟


للاسف بعض الاخوان والخوات الله يهدينا وياهم يتوقع مدام جامعه خاصه يعني اغش بكيفي ومحد يكلمني لاني دافع فلوس واذا زعلت وطلعت بتخسر الجامعه......

الجامعه تهمها سمعتها اكثر من الطلبه لانها اذا اختربت السمعه راح يلغى الاعتراف وتغلق الجامعه........

""اذا ابتليتم فاستتروا""

اذا بتغش ولازم تغش لاتقول للعالم ترا انا اغش واذا صادوك لاتنافخ وتهاوش وتسوي سالفه....

اتمنى ماتكرر هالاشياء واحترم تحترم.......

اشكرك اخوي وتقبل تحياتي....

اخوك مسلم الرشيدي(كويتي دلمون)

[bo mash3l]

الله يعطيك العافية على الكلام الحلو ( يا ولد العم ) ،،
والصراحة الواحد صار يخجل من نفسه لما يشوف تفكير بعض الطلبة ( انا داش بفلوسي ) ،،
وانا واجهت حالات كثيرة ( والله ثم والله ثم والله ) هذول ما يستحقون الجامعة اللي احترمتهم ولا قدروا التعب اللي قاعد تتعبه ادارة الجامعة ،،،،
انت لو تشوف الواحد فيهم ( حتى واجد عليه متخرج من ثانوية )،،،
لا اخلاق ولا تربية ومجاهرة بالمعاصي ،،
وين ما تمشي بالجامعة إلا وتسمعلك واحد يتكلم مع رفيجة عن البراشيم وشلون يتبادلونها ،،
ياخي تبي براشيم روح ( مصر ) وانت قاعد بشقتك بمصر تجيك الشهادة وتجيك الجامعة كلها بعد من دكاترة وقبول وتسجيل ( ما عليك إلا تقرقش بيزاتك ) ،،
انا اتحدى واحد فيهم لو يسوي الشي هذا عندنا بالكويت ،،
وبالنهاية قصة الاعتداء على الدكتور بتفاصيلها المملة عندي ولكن ما حطيتها بالمنتدى احتراما للدكتور ( اللي ما عنده مانع احطها ) اما الطالب فما اقوله إلا ( الله يسامحك ) ،،،
ولا تفهم من كلامي ان هذا الكلام موجه لك ، بل بالعكس جزالك الله خير على كلامك الحلو وعلى نصحك لأخوانك ،،
وبالنهاية ماقصرت وسامحنا على الاطالة ،،،

[عادل العنزي]

السلام عليكم ورحمة الله وبركاته...


اخوي عادل جزاك الله الف خير على طرح هالموضوع اللي جد اشغل بال اكثر الطلبه الكويتيين.....


كل العالم يغشون ويبرشمون ويسوون اللي يسوون بس باحترام شديد لكن للاسف اللي شفناه واجد وماينسكت عليه ان الشباب او البنات يغشون واذا صادوهم يقلون ادبهم.....؟؟؟؟

هذي ماصارت.....فوق شينه قوات عينه.........

للاسف وانا اكلمك بصراحه وانا احترق من داخل سمعتنا يالطلبه الكويتيين صارت مشوهه قدام الدكاتره او طلبة الجامعه اللي مو كويتيين وكل هذا علشان برشامه او تلفون وسماعة بلوتوث....؟؟؟


للاسف بعض الاخوان والخوات الله يهدينا وياهم يتوقع مدام جامعه خاصه يعني اغش بكيفي ومحد يكلمني لاني دافع فلوس واذا زعلت وطلعت بتخسر الجامعه......

الجامعه تهمها سمعتها اكثر من الطلبه لانها اذا اختربت السمعه راح يلغى الاعتراف وتغلق الجامعه........

""اذا ابتليتم فاستتروا""

اذا بتغش ولازم تغش لاتقول للعالم ترا انا اغش واذا صادوك لاتنافخ وتهاوش وتسوي سالفه....

اتمنى ماتكرر هالاشياء واحترم تحترم.......

اشكرك اخوي وتقبل تحياتي....

اخوك مسلم الرشيدي(كويتي دلمون)

مشكور اخوي مسلم ع المرور وشكر اكثر لكلامك الي اثرى الموضوع صراحه

[عادل العنزي]

الله يعطيك العافية على الكلام الحلو ( يا ولد العم ) ،،
والصراحة الواحد صار يخجل من نفسه لما يشوف تفكير بعض الطلبة ( انا داش بفلوسي ) ،،
وانا واجهت حالات كثيرة ( والله ثم والله ثم والله ) هذول ما يستحقون الجامعة اللي احترمتهم ولا قدروا التعب اللي قاعد تتعبه ادارة الجامعة ،،،،
انت لو تشوف الواحد فيهم ( حتى واجد عليه متخرج من ثانوية )،،،
لا اخلاق ولا تربية ومجاهرة بالمعاصي ،،
وين ما تمشي بالجامعة إلا وتسمعلك واحد يتكلم مع رفيجة عن البراشيم وشلون يتبادلونها ،،
ياخي تبي براشيم روح ( مصر ) وانت قاعد بشقتك بمصر تجيك الشهادة وتجيك الجامعة كلها بعد من دكاترة وقبول وتسجيل ( ما عليك إلا تقرقش بيزاتك ) ،،
انا اتحدى واحد فيهم لو يسوي الشي هذا عندنا بالكويت ،،
وبالنهاية قصة الاعتداء على الدكتور بتفاصيلها المملة عندي ولكن ما حطيتها بالمنتدى احتراما للدكتور ( اللي ما عنده مانع احطها ) اما الطالب فما اقوله إلا ( الله يسامحك ) ،،،
ولا تفهم من كلامي ان هذا الكلام موجه لك ، بل بالعكس جزالك الله خير على كلامك الحلو وعلى نصحك لأخوانك ،،
وبالنهاية ماقصرت وسامحنا على الاطالة ،،،


مشكور بو مشعل وبالعكس ماكو اطاله انا ماطرحت هالموضوع الا ابي اعرف وجهة نظر الطلبة وانا مو موجه الكلام لأحد انا كلامي عام ترى المشاكل والاعتداءات من الكورس الي طاف يعني مو جديد هالشي ومابي اعرف قصة الطالب انا الي اعرفه ان اثينهم غلطانين الطالب والدكتور لكن مهما كان ترى الجامعه ماتفرط بدكتور عشن انه غلط الدكتور يغلط مرة ومرتين لكنه مسكرله فراغ ونافع الجامعه اما طالب طالبين 10 و20 تضحي فيهم الجامعه عادددي

[bo mash3l]

الله يجزاك خير ( يبن اخي ) ،،،
وانا اكدلك ان الطالب غلطان مليون % ،،
والدكتور كان متخذ معاه الاجرائات ( step by step ) ،،
ولكن الطالب تمادى وما احترم الدكتور ،،،
وبالنهاية صح كلامك ان الجامعة لا يمكن تضحي بدكتور مهما يكون غلطان لأجل عيون الطلبة ،،،

[dzlee]

كلامك صحيح مية بالمية وانا شفت موقف بالغرفة اللي يمنا الطالب طق الدكتور ليش لان اخذ منه البرشامة ويقول انا داش بفلوسي
ماشالله اذا عندك فلوس ليش داش تدرس عيل خلك فبيتكم ريح وترتاح
اما الدكاترة انا اعتقد انه تعاملهم مع الناس مو سواسية يعني انت واخلاقك تجبر الدكتور يحترمك
اما اذا انت مو محترم الكل ما راح يحترمك مو بس الدكاترة انا عن نفسي لا والله الظليمة شينه
اشوفهم محترمين ويقدرون ويتكلم معاك باسلوب راقي
بس شنقول الله يهدي الجميع
وييسر امرنا

[عادل العنزي]

كلامك صحيح مية بالمية وانا شفت موقف بالغرفة اللي يمنا الطالب طق الدكتور ليش لان اخذ منه البرشامة ويقول انا داش بفلوسي
ماشالله اذا عندك فلوس ليش داش تدرس عيل خلك فبيتكم ريح وترتاح
اما الدكاترة انا اعتقد انه تعاملهم مع الناس مو سواسية يعني انت واخلاقك تجبر الدكتور يحترمك
اما اذا انت مو محترم الكل ما راح يحترمك مو بس الدكاترة انا عن نفسي لا والله الظليمة شينه
اشوفهم محترمين ويقدرون ويتكلم معاك باسلوب راقي
بس شنقول الله يهدي الجميع
وييسر امرنا

اي والله بالعكس خلك محترم الناس كلها تحترمك سواء دكاترة او غيرة مشكور حبيبي dzlee ع المرور

[ღ قطعة سكر ღ]

اخوي عادل العنزي

بصراحه ناقشت موضوع مميز جدا


عن جد طلاب الزمن دا بجد فيهم نوع من انواع الوقاحه وقوة العين


يعني الا والا يطلع الدكتور من هدؤه ويخليه يعصب عليه


طيب مدام انت طالب محترم وجاي تختبر بكل ادب وكرامه

ليش تسوي الحركات دي تخلي الناس يشكوا فيك ويطالعوا فيك نظره مو محترمه


بس مانقول الا الله يهديهم


الف شكر لك مره تانيه ع الطرح الحلو

[عادل العنزي]

اخوي عادل العنزي

بصراحه ناقشت موضوع مميز جدا


عن جد طلاب الزمن دا بجد فيهم نوع من انواع الوقاحه وقوة العين


يعني الا والا يطلع الدكتور من هدؤه ويخليه يعصب عليه


طيب مدام انت طالب محترم وجاي تختبر بكل ادب وكرامه

ليش تسوي الحركات دي تخلي الناس يشكوا فيك ويطالعوا فيك نظره مو محترمه


بس مانقول الا الله يهديهم


الف شكر لك مره تانيه ع الطرح الحلو

مشكورة اختي ع الاطراء أولا وثانيا شكرا على ابداء رأيج في هالموضوع طويل ماينتهي لكن الظاهر ان الشباب عبالهم انهم ليلحين بالثانوية او انهم بالكويت وبعدين مايراعون هالكلمة ياغريب كن اديب أولا ثانيا انت ممثل لبلدك بالدرجه الاولى ولمجتمعك بالدرجه الثانية فلازم يكون تمثيل خير تمثيل وانا مو قاعد اقول لازم الكل يصير مثالي بالتمثيل لا بد ان تكون هناك اخطاء او اشياء خارجه عن ارادة الشخص لكن مو بهالكثرة الي صارت لانها اولا اخير الضرر على الطلبة كلهم مو على مو بس الي تصير معاهم مشاكل والله كريم واتمنى من الشباب انهم يخفون شوي والله يوفق الجميع