100 ‬طالب* ‬يقاضون التعليم العالي

[qwzler]

100 ‬طالب ‬يقاضون التعليم العالي

Monday, 29 June 2009

كتب محمد الخلف:
بدأت تداعيات قرار إلغاء الاعتراف بالجامعات الخاصة بالفلبين والهند، ‬حيث تقدم المحامي ‬مشاري ‬العيادة امس برفع دعوى قضائية
لـ100‬ طالب ضد التعليم العالي ‬يطالب فيها بإعادة الإعتراف بهذه الجامعات لما لهذا القرار من تعسف بحق الدارسين، ‬وذكر ان قرار منع الإعتراف مخالف لنصوص الدستور في ‬المادتين ‬13، ‬14، ‬واضاف في ‬دعواه ان هذا القرار ضيع سنوات الدراسة للطلبة الذين قضوها وتعبوا للحصول ‬على شهاداتهم من هذه الجامعات. ‬وطالب العيادة لـ100 ‬ طالب تضرروا تضررا مباشرا من هذا القرار التعليم العالي ‬بتعويضهم عن هذه القرارات ‬غير المدروسة، ‬على حد تعبيره.‬.


http://alshahed.net/index.php?option=com_content&task=view&id=34651

[qwzler]

ئييي نعم هذا القرار الصائب والصحيح ..

والله يوفقك يا المحامي مشاري العيادة، وبإذن الله سوف ترفع الظلم عن أبناء دولة الكويت الذين يدرسون في جامعات الهند والفلبين، كفو والله

الله يوفقك

[وردة فرساي]

يعطيك الله العافيه على الخبر والمجهود

تسلم ايدينك والله يوفق الجميع

دمت بكل خير

[الحقوقي]

:Nooo::Nooo:والله سراحه مالومهم اخوي عبدالله
وين يبون الطلبه تدرس
وان شاء الله استجواب الوزيره قادم لا محال له وشكر على نقل الخبر

[النور]

الله وياكم قبل خلقه

الظلم موجود

بس أكو من يرده


الله قادر


بالتوفيق للجميع

[بن عباس]

والله مصيبة

شوف وين وصل حالنا

هم اتغرب واخر فلوس وهم ما يعترفون بشهادتي لا ولا يفتحون فروع لجامعات بالكويت

وبعدين ارفع قضية.....

الله المستعان

[كيوت بطعم التوت]

امس خلو برنامج في قناة الوطن وسووا مقابلات وياهم ..

والله كسروا خاطري يقولون ان التعليم العالي مو بس نصحوهم بهذي الجامعات لا و عطوا بعضهم اعانات ..

وفيه اثنين يقولون انهم يشتغلون بوزارة الداخليه ولما قالوا لهم انهم يبون يدرسون قالوا لهم لازم تكونون موب مسجلين بالتأمينات الاجتماعية ..

بمعنى صحيح يعني قدموا استقالاتكم يقولون والله ان بنفس اليوم قدمنا استقالاتنا و رحنا وبدينا دراسات واخذنا اعانات من التعليم العالي .. و واحد منهم عنده اربع عيال والثاني عنده ولد واحد ..

يقولون احنا صابرين علشان الشهاده اذا موب معترفين فيها .. شنسوي اهم اللي قالوا لنا نترك اشغالنا ..

والله هذا ظلم وتكلم امس محامي عالتلفزيون و بعد نواب اثنين ..

وامس بالحلقه قالوا ان بخصصون يوم حق جامعات البحرين وبيجيبون منها ناس يسوون معاهم مقابلات ..

حق يتكلمون عن اللي صاير من قبل التعليم العالي ..

[النور]

كيوت أي برنامج ووش وقته؟؟؟؟؟؟؟؟؟

بأي يوم وأي ساعه

ودي أطالع البرنامج دام يلقي الضوء على بعض المشكلات والقضايا الاجتماعيه

الله معكم والله يكون بعونهم خنت حيلي والله

موفقين

[كيوت بطعم التوت]

حطوه الخميس بالليل الساعه 10 في قناة الوطن الكويتيه ..

وبيخصصون حلقه تتكلم عن الجامعات والاعتراف من التعليم العالي .. وبيستقبلون شخصيات من بعض جامعات البحرين ..

قالوا ان بيخلونها في يوم من ايام الاسبوع يعني بتكون حلقه استثنائيه وبيحطون متى بتنعرض بالتلفزيون ..

بس يوصلني خبر اكيد عن المقابله بقول لكم ان شاء الله ..