عاااااجل أعطونا رأيكم !!!!!

[عذب الكلام]

ياجماعة عطونا رايكم بالمصيبة هذي البحرين أعلنت أمس إكتشاف 12 حالة لإنفلونزا الخنازير وأعلنت كذلك حالة الإستنفار العام بأقصى درجاته لهذا المرض الذي يشغلني كثيرا أن دوام الجامعة غدا الخميس إلى السبت وهو أهم أسبوع لتحديد الإمتحانات والمحذوف وهي مدة ليست قليلة في ضل العمالة الكثيفة المنتشرة هناك شرايكم نغيب أو نداوم الموضوع جدا مهم وأحتاج رايكم بكل صراحة وصدق

[هذيان]

السلام عليكم ورحمه الله وبركاته

جزاك الله خير يا عذب على حرصك و على اثارتك لهذا الموضوع
اللي اكيد يهمنا جميعا و يعنينا .. و يشغل بالنا

الوقايه خير من العلاج
و قدر الله وامره فوق اي اعتبار ...

لازم نتخذ الحرص و نحترز ..
نلبس الكمامات في اماكن الزحمه والتجمعات بالذات
بالمطار مثلا والمطاعم مع اني ماافضل بهذي الفتره ان نشتري او ناخذ شي من برا
نستخدم الكلينكس وما نستخدم الفوط

تاخذون وياكم شراشف و كنابل بدال ما تستخدمون شراشف الفندق
تحطون فوطكم على المخده ولا تنامون مباشره على المخده بالسكن

اخذوا وياكم ديتول كلينكس و سائل .. استخدموه دايما
ولا تلمسون اشياء مو واثقين من نظافتها

والباقي على رب العالمين !


شنو نسوي شنو بيدنا !!! نسوي ؟! ورانا امتحانات و روحتنا هذي مهمه
والجامعه ماترحم ولا عندها حسن تصرف

مابيدنا شي ياخوي وربك كريم و الحافظ الله

[سعود السلطان]

قل ما يصيبنا الا ما كتبه الله لنا

اتبع ارشادات اختي هذيان

والله كريم

[كيوت بطعم التوت]

اخواني بالجريدة عندنا مذكور وصلت الى 17 حاله والله يستر ..

احنا خايفين وايد والديتول ما يفارقنا واكل المطاعم عفناه ..

والله كريم ويلطف بعبيده ..

قل لن يصيبنا الا ما كتب الله لنا ..

[raed]

اساند اخوي سعود بما ذكر ومايصيبنا الا ماكتب الله لنا

والمرض اذا الله كاتبه لشخص لاحول ولا قوه
وانشالله ماكو الا كل خير بإذن الله

واذا اتبعت خطوات اللي كتبتها الاخت هذيان لاباس شي افضل من لاشي

والجامعه ماترحم وصعب تتواصل مع الدروس اللي راح اطوف والله ايعين الجميع

[محمد خالد الحمد]

اخوي انا أشوف نداوم واللة يستر من الامراض علينا ويحلها ربك لان الدكاترة والجامعه نفسها مايقدرون وصايرين بعد مايقبلون الاعذار الطبية

[بن عباس]

آنا اقول لو تقدرون تشربون الديتول احسن بعد ههههههه

أولا ياجماعة ما يصيبنا إلا المكتوب لنا

ثانيا اخذ الحتياطات مثل ما قالت اختي هذيان

ثالثا اذا حسيت بارتفاع في درجة الحراة أو كحة قوية بسرعة راجع الطبيب لأن حتى لو لاقدر الله اصابك المرض فان علاجه سهل اذا راجعت الطبيب وما تأخرت

وعسى الله يحفظ الجميع من كل مكروه

وخروا عن اكل المطاعم

[الغاليه]

الله لا يبلينا .. والمصابين كلهم راجعين من السفر ..

والحيطه والحذر افضل من كل شي "

[النور]

ربنا لا تبلانا

نسأل الله العافيه يارب يارب

آمين