المساعد الشخصي الرقمي

مشاهدة النسخة كاملة : إنت مو ريال للأسف ..!!

qwzler
05-30-2009, 07:44 PM
لما يتقدم خاطب ويدق الباب علشان راتبها ..


ويقولها بكل صراحة بعد الزواج ..


خذيتج علشان راتبج !! مو سواد عيونج ..


للأسف منت رجال ..








لما ترضى تجلس بالبيت وإختك أو زوجتك تصرف عليك


للأسف منت رجال ..






لما تكون طول وعرض وهيبة على الفاضي


للأسف منت رجال ..




لما تكون حبيب ماما .. ودلوع بابا


وإنت مشورب


للأسف منت رجال ..




لما بكل مجلس تقول بصوت عالي


عرفت فلانه بنت فلان وضحكت عليها ..


وهذى صورها وهذا رقمها ..


للأسف منت رجال ..





لما تكشخ وتتعطر وتقز بالأسواق بدون هدف


وتكلم هذي وترقم هذي


للأسف منت رجال ..







لما تاخذ من امك كم دينار علشان دخان


للأسف منت رجال ..



لما تكون فاضى طول الوقت ووقت الصلاة سبحان الله تنشغل ..


للأسف منت رجال ..



لما تسمح لأصحابك يقولون من باب المزح


وللأسف الكلمة دارجة عند الشباب


الله يلعن امك


وتضحك


وتقول :


الله يلعن امك إنت


للأسف منت رجال ..






لما تكون متزوج .. أو خاطب .. أو حتى تحب


وتخون بكلمة ونظرة مع الغير


للأسف منت رجال ..




لما تعتمد على فلوس ومنصب ابوك


وتقول : وليش أشتغل!!


للأسف منت رجال..



لما تجرح بنت إخت أو قريبة ونسيت إنك الرجل والأقوى !!


للأسف منت رجال ..




لما عندك أي كلمة تقولها عادي لزوجتك


إنتي طالق


للأسف منت رجال ..




لما تدق عليك امك تالى الليل بالإستراحة


وتسكر الخط فى وجها وتقول أزعجتنا العجوز


للأسف منت رجال..





لما تقول عند أصدقائك الشاكوش واقف بطريق سفرتي معكم


تقصد ابوك


للأسف منت رجال..



لما تقول عند أهلك بروح العمرة .. وإنت خارج الديرة تدور البنات


للأسف منت رجال ..


لما تتزوج مسيار وتسكت لا أحد يدري وخايف


من ربعك وأهلك وجماعتك يدرون


للأسف منت رجال ..




لما ترفض خطيب لبنتك أو إختك


علشان تستفيد من راتبها


للأسف منت رجال ..



لما تكون وسيلة التفاهم عندك إيدك مو لسانك


للأسف منت رجال ..



لما تخجل من وظيفة ابوك البسيطة


للأسف منت رجال



لما تقول لزوجتك وهي بغرفة الولادة


إذا المولود بنت طسي بيت أهلك


للأسف منت رجال ..




لما تعتقد مجرد إعتقاد إن الرجولة بس تربية شوارب


للأسف منت رجال ..



لما تقسط لك زوجتك سيارة من راتبها وتتزوج عليها ثانية !!


وتاخذها برحلة وفرتين بسيارتك


على حساب الأولى


للأسف منت رجال ..




لما تدخل بيتك وحدة من وراء أهلك


للأسف منت رجال ..



لما تفرق بين بنتك وولدك


وتقول هذا ولد عزوة والبنت تنطق طق


للأسف منت رجال ..



لما تنسى بيتك وزوجتك وعيالك

وتروح مع الثانية دون عدالة


للأسف منت رجال ..



لما تاخذ حقك من زوجتك بالغصب وهى زعلانة


من غير ما تراضيها


وتعتبر الشي حقك ورجولة منك


للأسف منت رجال ..


لما تتخلى عن أعز ربعك بوقت الشدة !!!


للأسف منت رجال..




لما تماشي فلان علشان فلوسه


للأسف منت رجال..


لما تشوف بنات ..
الناس عادى وإختك ..


لا عيب وحرام



للأسف منت رجال..


لما تحبها وتحبك بصدق


وفجأة شفت غيرها


وتخليت عنها .. دون سبب


للأسف منت رجال ..



لما تحط عينك على وحدة تعرف إن اخوك أوصديقك يحبها


للأسف منت رجال ..



لما تصرخ بوجه امك إرضاء لزوجتك


للاسف منت رجال ..



لما تطلب من واحد يكفلك


وتتهرب منه وتنكر وتجحد


للأسف منت رجال ..



لما تنقل كلام أو سر من واحد لواحد


للأسف منت رجال..



لما تشوف بنت في حالها


وما تعطي أحد وجه


وتقول : على شنو شايفه نفسها


بكسر خشمها


للأسف منت رجال ..



لما تصدق هرج حاسد وعاذل برفيق دربك


من غير ما تسمع منه وتعطيه فرصه يوضح لك



للأسف منت رجال ..


لما فجأة تكتشف بعد زواجك


إنك ما حبيت زوجتك بعد ما جبت منها عشر إعيال


جاك الإحساس


و



جرحت


كرامتها


للأسف منت رجال
الرجوله غير الذكوره



(مو كل من لبس غتره وشماغ صار رجال)


(مو كل من له شارب ولحية صار رجال)


الرجولة


موقف


وكرامه


وتصرف
كثير بنات أرجل من كثير من الرجال


ما كل من صاد صقر صار صقار


بعض الصقور وقت الشدائد دجاجة


كونى أرفض كل تصرفاتك العوجاء أيها الذكر


ولن أقول الرجل !!


فأنا أرجل منك ..


حين أدعي لك بالهداية وأهز راسي خيبة وحسرة


من حال بعض الرجال


أنا أرجل منك ..


إكتشفت إني بزمن أصبحت الرجولة نادرة


ربما إضطرت البنت لتلعب دور الرجل


في زمان أصبحنا لا نفرق بين البنت والولد


حتى الملابس تشابهات !!!


أنا ضد فئة من الرجال !!!


وأكيد الكثير منهم ونعم الرجال


كثير خانتهم رجولتهم ولم يحملو منها سوا الإسم فقط ..




كثيرووون هم الذكووور


قليلووون هم الرجااال ..
كيوت بطعم التوت
05-30-2009, 10:32 PM
فعلاً صح لسانك ...

الرجوله الحقيقية ليست بالكلام ..

وانما بالفعل ...

ولكن بالنسبه للنقطة اللي تكلمت فيها عن الملابس .. عندي اخ من النوع اللي يلبس جينز نازل ولكنه فعلا رجل قول وفعل واحترام غير انه من المتفوقين ..

فلا تحكم لى الرجال من ملابسهم بل احكم على التصرفات ...
qwzler
05-30-2009, 10:37 PM
اقتباس:
المشاركة الأصلية كتبت بواسطة كيوت بطعم التوت http://www.delmoon.net/vb/stylak.net7/buttons/viewpost.gif (http://www.delmoon.net/vb/showthread.php?p=85690#post85690)
فعلاً صح لسانك ...

الرجوله الحقيقية ليست بالكلام ..

وانما بالفعل ...

ولكن بالنسبه للنقطة اللي تكلمت فيها عن الملابس .. عندي اخ من النوع اللي يلبس جينز نازل ولكنه فعلا رجل قول وفعل واحترام غير انه من المتفوقين ..

فلا تحكم لى الرجال من ملابسهم بل احكم على التصرفات ...



أنا ألبس جينز بعد نفس أخوج ..

وسوف أقوم بمسح هذه الجملة ..

لأنك لك كل الإحترام والتقدير ..
qwzler
05-30-2009, 10:44 PM
اقتباس:
المشاركة الأصلية كتبت بواسطة كيوت بطعم التوت http://www.delmoon.net/vb/stylak.net7/buttons/viewpost.gif (http://www.delmoon.net/vb/showthread.php?p=85690#post85690)
فعلاً صح لسانك ...

الرجوله الحقيقية ليست بالكلام ..

وانما بالفعل ...

ولكن بالنسبه للنقطة اللي تكلمت فيها عن الملابس .. عندي اخ من النوع اللي يلبس جينز نازل ولكنه فعلا رجل قول وفعل واحترام غير انه من المتفوقين ..

فلا تحكم لى الرجال من ملابسهم بل احكم على التصرفات ...




(مو كل من لبس غتره وشماغ صار رجال)
إختي العزيزة ربما لم تلاحظي هذه الجملة ..

ولكن تم مسح الجملة التي تتكلم عن الجينز .. وهذا إحترام لك وتقديراًً ..
أخت الشقرة
05-30-2009, 11:04 PM
المشرف .. عبدالله الكندري ..

الله يعطيك العافية ع الطرح المميز ..

وعساك ع القوة ..

دمت بتألق ..

تقبل مروري

=)
كيوت بطعم التوت
05-31-2009, 01:17 AM
اقتباس:


(مو كل من لبس غتره وشماغ صار رجال)
إختي العزيزة ربما لم تلاحظي هذه الجملة ..

ولكن تم مسح الجملة التي تتكلم عن الجينز .. وهذا إحترام لك وتقديراًً ..




لقد لاحظتها فلا يخفى عليكم .. اني من النوع الذي يتعمق بقراءة المواضيع ولكن الجمله هذه فيها استثناء .. حيث ان مجموعه منهم بأخلاقهم هم نعم الرجال .. ومجموعه اخرى بالغتره ولكن لا اخلاق ولا احترام ..

وبالنسبه للجمله اللي فيها الجينز كان فيها شموليه حيث ان الجمله انصاغت على ان كل من يلبس جينز نازل فهو ليس برجل .. لهذا السبب كان تعليقي ...

شكرا لك اخي وفعلا انت مميز ... وفقك الله ..
المطيـــري
06-02-2009, 01:04 AM
موضوعك جميل
وكنت بعلق على نقط بس من كثرها
ما اقدر اعلق على شي واخلي شي

الا النقطه هذي
لما بكل مجلس تقول بصوت عالي
عرفت فلانه بنت فلان وضحكت عليها ..
وهذى صورها وهذا رقمها ..

بعض النااس للاسف متخلفه وعقلهاا صغير
ماخذينهاا رجوله وقوه شخصيه
مايدرون كما تدين تداان
qwzler
06-02-2009, 01:08 AM
اقتباس:
المشاركة الأصلية كتبت بواسطة المطيـــري http://www.delmoon.net/vb/stylak.net7/buttons/viewpost.gif (http://www.delmoon.net/vb/showthread.php?p=86279#post86279)
موضوعك جميل
وكنت بعلق على نقط بس من كثرها
ما اقدر اعلق على شي واخلي شي

الا النقطه هذي
لما بكل مجلس تقول بصوت عالي
عرفت فلانه بنت فلان وضحكت عليها ..
وهذى صورها وهذا رقمها ..

بعض النااس للاسف متخلفه وعقلهاا صغير
ماخذينهاا رجوله وقوه شخصيه
مايدرون كما تدين تداان



صح كلامك ..

وحياك الله ..

أخوي آل المطيري ..
raed
06-02-2009, 01:53 AM
اشكر الموضزع الجميل المفيد حبيت اعلق على جزء معين لأن المشاركين ماقصرووا

ااول شي انا من وجهت نظري جينز نازل مو حلوه بصرحه ؟؟ شنو ريال قاط نص الجينز بالارض في اي زمان حصل ذلك ؟؟ لا ويلبس اشياء يعني انا كلش منهم مع احترامي الشديد لمن يلبس ولا اقصد شخص معين انما هذاا ما نرااه واذا رفع الجينز هل لن يكون متحضر والا ضد الموضه ؟؟؟

وبالنسبه لموضوع الام هناك للاسف كثير من لا يحترم امه واخته وزوجته ؟؟ بس هذا سوف يراها في باقي حياته نفس ما ذكر احد الاخوه مشكورا كما تدين تدان ؟؟ كلام قيم وصحيح هذي الحياه

وبالنسبه للصداقه ليش انهزت عند كثير من الناس في مقابل ؟؟ سواء كانت ماديه او لغرض اخر ؟؟
والمثل يقول اما حياه تسر الصديق واما ممات يغيض العدااا

وما ابي اطول عليكم بس احب اقول الرجال مخابر وليش مظاهر والمقصود المظهر المعقول وليش التشبه بالغرب والغرب اصلا لايتشبهون بنا ويعتبروننا مقلدين فقط

ويعطيكم العافيه
وردة فرساي
06-04-2009, 11:28 PM
عبدالله الملا الكندري

أبدعت ووفقت بالطرح وصح لسانك بكل ما ذكرت

يعطيك الله العافية وما ننحرم جديدك المميز

دمت بسعاده
qwzler
06-05-2009, 06:41 AM
حياكم الله جميعاً ..

أنا كتبت هذا الموضوع لأن يوجد للأسف البعض من هذه الصفات توجد في الرجال (بعض من الرجال وليس جميعاً) ..

أتمنى لهم الهداية والصلاح ..

إدعوا لهم يا طلبة ..
النور
06-08-2009, 11:56 AM
فعلا الرجوله موقف وجوهر

(مو كل من لبس غتره وشماغ صار رجال)

(مو كل من له شارب ولحية صار رجال)


فيه مثل بس ليا صار لي موقف مع أشباه الرجال بقطه عليه وإلا هنا حاشاكم

تسلم ع الموضوع خيي