ساعدوني ضروري ...

[كيوت بطعم التوت]

السلام عليكم

حاولت وتعبت تدريب بنتي على الحمام وانتو بكرامه .. بس كل مره تبلل ثيابها جننتني اليوم من الصبح اوديها وانتظرها ربع ساعه ما تسوي شي بس تطلع من الحمام خمس دقايق وتبلل ثيابها هالموقف تكرر خمس مرات اليوم .. نفسيتي تعبت وكل ما اقول لها عيب انتي كبيره تروحين الحمام تقول لي انزين اوكي .. وتيتي تيتي تيتي رحتي مثل ما جيتي ..

احس ضغطي ارتفع وصارخت عليها من قلب و ودي ابجي احسها ما تفهم .. مع ان عمرها سنتين واربع شهور يعني المفروض تتعلم من الحين ..

انصحوني شسوي وشلون تعاملتوا مع اولادكم ؟؟

يعطيكم العافيه ..

[الحقوقي]

الله يهداج توها صغيره نطري عليها شوي تو الناس وجاهل شلون تصارخين عليه وين كوندليزا رايس عنج

[كيوت بطعم التوت]

طفشتني شسوي وياها ما ادري ..

ما ادري انتظر بعد شهر واشوف ..

اي كوندليزا رايس انت بعد هههههههههه ..

[أخت الشقرة]

المتميزة كيوت بطعم التوت /

وعليه حرام عليج توها ياهل يعني ماتفهم طولي بالج عليها

وان شاء الله بتكبر وبتتعلم والله يخليها لج ان شاء الله

تقبلي مروري

=)

[شغف]

حبيبتي كيوت بطعم التوت
بناء على خبرتي
الطفل بهالعمر محتاج طولة بال وصبر
لانه للحين ما يفهم ولا يدرك طريقة السيطرة على نفسه بالامر هذا
اول شي لازم توفرين لها الامكانيات الخاصة اللي فيها الوان ورسومات للاطفال
يعني اذا كان الحمام كرمج الله افرنجي
عشان ما تحس انها بتطيح او تخاف تقعد عليه
لانه بيكون كبير عليها
ثانيا استخدمي الكلمات الحلوة وياها
يعني يا ماما يا حبيبتي عفية على بنيتي
شوي شوي مرة على مرة راح تكون مرنه معاج اكثر
لاتنسين تستخدمين طريقة فتح الماي او صوت السيفون كرمج الله
لان صوت الماي يساعد على اداء العملية ويحفز المخ
ثالث شي لازم تكون مفضية نفسج تماما لهالموضوع
يعني كل ما تميتي وديها وتمي معاها شويه
الموضوع محتاج صبر وطولة بال
رابع شي حاولي تتركين الحفاظات نهائيا طول النهار
وتعودينها على الملابس
تحس بنوع من التغيير .. هالشي راح يترك بنفسها
الشعور بالارتياح وانها كبرت
اهي تفهم بهالعمر وتستوعب بس طولي بالج
والله يحفظها ويخليها لج يا رب

[كيوت بطعم التوت]

اقتباس:
المشاركة الأصلية كتبت بواسطة أخت الشقرة http://delmoon.net/vb/stylak.net7/buttons/viewpost.gif (http://delmoon.net/vb/showthread.php?p=83565#post83565)
المتميزة كيوت بطعم التوت /

وعليه حرام عليج توها ياهل يعني ماتفهم طولي بالج عليها

وان شاء الله بتكبر وبتتعلم والله يخليها لج ان شاء الله

تقبلي مروري

=)



شسوي يا اختي .. قررت بعطيها مهله لي بعد الامتحانات بتفرغ لها عدل ..

تسلمين خيو على التشجيع..

[كيوت بطعم التوت]

اقتباس:
المشاركة الأصلية كتبت بواسطة شغف http://delmoon.net/vb/stylak.net7/buttons/viewpost.gif (http://delmoon.net/vb/showthread.php?p=83580#post83580)
حبيبتي كيوت بطعم التوت
بناء على خبرتي
الطفل بهالعمر محتاج طولة بال وصبر
لانه للحين ما يفهم ولا يدرك طريقة السيطرة على نفسه بالامر هذا
اول شي لازم توفرين لها الامكانيات الخاصة اللي فيها الوان ورسومات للاطفال
يعني اذا كان الحمام كرمج الله افرنجي
عشان ما تحس انها بتطيح او تخاف تقعد عليه
لانه بيكون كبير عليها
ثانيا استخدمي الكلمات الحلوة وياها
يعني يا ماما يا حبيبتي عفية على بنيتي
شوي شوي مرة على مرة راح تكون مرنه معاج اكثر
لاتنسين تستخدمين طريقة فتح الماي او صوت السيفون كرمج الله
لان صوت الماي يساعد على اداء العملية ويحفز المخ
ثالث شي لازم تكون مفضية نفسج تماما لهالموضوع
يعني كل ما تميتي وديها وتمي معاها شويه
الموضوع محتاج صبر وطولة بال
رابع شي حاولي تتركين الحفاظات نهائيا طول النهار
وتعودينها على الملابس
تحس بنوع من التغيير .. هالشي راح يترك بنفسها
الشعور بالارتياح وانها كبرت
اهي تفهم بهالعمر وتستوعب بس طولي بالج
والله يحفظها ويخليها لج يا رب



رحم الله والديش وطول الله عمرش ما ادري شقول وشنو ادعي لش ...

والله معلومات مفيده وبس اخلص امتحانات راح افضى لها عدل ...

و يبي لي اشتري لها ورود ونجوم واحط لها جدول وأكافئها اذا دخلت الحمام .. وصوت الماي هذي جديده علي ... عن جد الله يعطيش العافيه اختي ..

[raed]

اخت كيوت بطعم التوت

انا قريت الشباب شنو كاتبين واقتراحاتهم متعدده وكثيره ومن كثر مااهمااا كاتبين مليت وانا اقرى حلاته الرد ايكون بسيط ومفيد وخير الكلام ماقل ودل حتى الواحد ما ايتووه في مايكتب له

انا عندي لج نصيحه راح اتفيدج وايد

اول شي البنت صغيره ولاتخلينها تكرهج من الصراخ ماله داعي انا اقول دربيها بطريقه افضل شوفي اهيا شنو تحب وشجعيها عن طريقه

بمعنى ان كانت اتحب مثلا الحلاو قوليلها اذا دشيتي الحمام بروحج وما اتبللين نفسج راح تاخذين الحلاو ومرتيين ثلاثه راح تتعود بس ركزي على الاشياء اللي اهي اتحبها وايد وماتقدر تستغني عنها

شجعيها ودايما خلي ابالج ان لازم ايكون مثلا عيال اختج او اخوج مايسوون نفسها قوليلها انهم احسن منها خل اتحس انها لازم اتصير احسن وراح تاخذ اللي تبيه اذا سوت هالشي اللي انتي تبينه

الحل بالمختصر التشجيع والمنافسه مع الغير انهم افضل لتحققين غايتك :)

[كيوت بطعم التوت]

اقتباس:
المشاركة الأصلية كتبت بواسطة raed http://delmoon.net/vb/stylak.net7/buttons/viewpost.gif (http://delmoon.net/vb/showthread.php?p=83809#post83809)
اخت كيوت بطعم التوت

انا قريت الشباب شنو كاتبين واقتراحاتهم متعدده وكثيره ومن كثر مااهمااا كاتبين مليت وانا اقرى حلاته الرد ايكون بسيط ومفيد وخير الكلام ماقل ودل حتى الواحد ما ايتووه في مايكتب له

انا عندي لج نصيحه راح اتفيدج وايد

اول شي البنت صغيره ولاتخلينها تكرهج من الصراخ ماله داعي انا اقول دربيها بطريقه افضل شوفي اهيا شنو تحب وشجعيها عن طريقه

بمعنى ان كانت اتحب مثلا الحلاو قوليلها اذا دشيتي الحمام بروحج وما اتبللين نفسج راح تاخذين الحلاو ومرتيين ثلاثه راح تتعود بس ركزي على الاشياء اللي اهي اتحبها وايد وماتقدر تستغني عنها

شجعيها ودايما خلي ابالج ان لازم ايكون مثلا عيال اختج او اخوج مايسوون نفسها قوليلها انهم احسن منها خل اتحس انها لازم اتصير احسن وراح تاخذ اللي تبيه اذا سوت هالشي اللي انتي تبينه

الحل بالمختصر التشجيع والمنافسه مع الغير انهم افضل لتحققين غايتك :)



اي والله .. والصدفه ان بنت اخوي اكبر منها بسنه ونص ... بخليها تنافسها ...

واهي تموت بالحلاوه اذا ابيها تسوي لي مساج اراويها الحلاوه واخليها تشتغل مساج لين ما تعجز واعطيها عقب مالي غير اراويها الحلاوه واذا راحت الحمام بروحها اعطيها ..

شكرا خيوو رحم الله والديش..

[وردة فرساي]

كيوت بطعم التوت

حبيبتي كل شي بالطيب بتقدرين تسويه يعني حاولي تشجعيها كل يوم

قولي لها كل مرة تروحين الحمام وانتي بالكرامه من غير ما تبللين ملابسج بعطيج ككاو او اي شي تحبه

حتى لو راحت مرة باليوم وبعدين بللت ملابسها من اول ما تروح الحمام بروحها من غير ما تبلل ملابسها عطيها شي تحبه يعني كمكافاة

ولا تنسين الطيب غلب الطبيب

والله يوفقج ان شاءالله

[الظفيري]

اخت كيوت بطعم التوت

الله يعينج , بس بصراحة بعد كلام وردة فرساي ماعندي اي تعليق لانها فيلسوفت هذا الزمن بس كلام منطقي

[كيوت بطعم التوت]

اقتباس:
المشاركة الأصلية كتبت بواسطة الظفيري http://www.delmoon.net/vb/stylak.net7/buttons/viewpost.gif (http://www.delmoon.net/vb/showthread.php?p=85198#post85198)
اخت كيوت بطعم التوت

الله يعينج , بس بصراحة بعد كلام وردة فرساي ماعندي اي تعليق لانها فيلسوفت هذا الزمن بس كلام منطقي



يعطيك العافيه على المرور ولو كان سريع .. ولكنه يحمل في طياته الصدق والاخوه ...

[qwzler]

اقتباس:
المشاركة الأصلية كتبت بواسطة كيوت بطعم التوت http://www.delmoon.net/vb/stylak.net7/buttons/viewpost.gif (http://www.delmoon.net/vb/showthread.php?p=83389#post83389)
السلام عليكم


حاولت وتعبت تدريب بنتي على الحمام وانتو بكرامه .. بس كل مره تبلل ثيابها جننتني اليوم من الصبح اوديها وانتظرها ربع ساعه ما تسوي شي بس تطلع من الحمام خمس دقايق وتبلل ثيابها هالموقف تكرر خمس مرات اليوم .. نفسيتي تعبت وكل ما اقول لها عيب انتي كبيره تروحين الحمام تقول لي انزين اوكي .. وتيتي تيتي تيتي رحتي مثل ما جيتي ..

احس ضغطي ارتفع وصارخت عليها من قلب و ودي ابجي احسها ما تفهم .. مع ان عمرها سنتين واربع شهور يعني المفروض تتعلم من الحين ..

انصحوني شسوي وشلون تعاملتوا مع اولادكم ؟؟

يعطيكم العافيه ..



هذا طفل ..

هؤلاء أحباب الله ..

والصبر عليهم أجر كبير وعظيم ..

أنا أرى إن الصبر هو الأنسب وتذكري يا إختي دائماً إن الطفل سوف يتغير إن شاء الله ولا يحتاج مدى طويل ولا أعصاب ..

قولي لا إله إلا الله ..

[كيوت بطعم التوت]

لا اله الا الله ..

ان شاء الله بصبر الله يعطيك الصحة والعافيه على مرورك ...

[النور]

شجعيها وقولي لها المقربين لها بنفس السن وإلا القريبين لها يسون جذي بالحمام

ووالخ وتوها صغيره بس حنا عصبيين من هالناحيه هذي

طولي بالج عليها وشوي شوي بتتعود


الله يحفظها لج

[كيوت بطعم التوت]

اقتباس:
المشاركة الأصلية كتبت بواسطة النور http://www.delmoon.net/vb/stylak.net7/buttons/viewpost.gif (http://www.delmoon.net/vb/showthread.php?p=87192#post87192)
شجعيها وقولي لها المقربين لها بنفس السن وإلا القريبين لها يسون جذي بالحمام

ووالخ وتوها صغيره بس حنا عصبيين من هالناحيه هذي

طولي بالج عليها وشوي شوي بتتعود


الله يحفظها لج



الله يسلمش خيو .. اني المشكله قلت لها شوفي بنت حميي ساجده جاهله تلبس حفاظه انتي كبرتين صرتين كبيره تروحين الحمام ..

ومن يومها بنتي مقتنعه انها صغنونه وانها اهي ساجده نفسها كل ما نسألها شنو اسمش تقول ساجده واذا قلنا لها انتي زهراء تقعد تصيج وتقول اني ساجده !!!!

ما ادري شفيها جننتني جنون بس ان شاء الله اقدر عليها ..

تسلمين خيو على المرور .. والراي الصائب ..