حركات البنات والشباب اثناء المذاكره

[βầĐēŕ]

السلام عليكم ورحمه الله وبركاته


راح اذكر لكم حركات السحالي هههههه أثناء المذاكرة بس بدون زعل ،
حركات البنات اثناء المذاكرة ......
(( بدون زعل أوكيه ))

1.الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحراااام ،، واحيانا تزيد وجبات اضافية اذا كانت المادة دسمة .


2.تقعد تسوي نفسها طفشانه وتعبانه ويااااااربي مو قادرة اذاكر مدري وشفيني حاسة بكتمة يمه الظاهر احد صاكني عين تقعد امها تقول باسم الله عليك تعالي اقرا عليك يابنيتي
كل هذا عشان اذا سقطت يقولون عين



3.بعضهم ينزل عليها وسواس نظافة ايام الامتحانات تستحم الصبح والليل وتستشور شعرها كل مرة طبعا مايصير تخليه يخترب وبكره كيف تروح الجامعة والكتاب على برد طبعا هذي من واجباتها اليومية ماتقدر تتركهاعشان تذاكر مايصير


4.هذي تترك الكتاب على صوب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان لازم تحدد وش تلبس من الحين لا وبعضهم ليلة الاختبار عند الخياطة رايحه تسوي بروفه
الله من قل الدبره بس


5.وبعضهم تنزل عليها صلة الرحم فجأه تقوم تكلم وحده من صديقاتها القدامه ايام الروضه من زمان ماكلمتها تبي تشوف وش صار عليها وتشغلها عن المذاكره


6.وهذي تنزل عليها الشطارة فجأة تقوم تسوي العشا لاهلهاوتغسل الصحون عن الشغالة وتقولها روحي نامي انتي خلاص انا اكمل


7.وهذي مبتليها ربي بالتلفون قالبتها تشات حشا مو مسجات وماتوعي حق روحها الا قبل الفجر بساعتين


8.وهذي المسكينه اللي من قل الحيله تعور القلب لاقفلت معها قضبت المخده ونامت ولين تصحى تقول يووووووه راحت علي نومه


9.وهذي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق الا رايح جاي رايح جاي يعني اذاكر وامها ايه يابنيتي وش تبين بس قال ايش تبي تساعدها عشان تفتح نفسها للمذاكرة وما تدري ان كل السالفه عيارة هالنوع من البنات ماتنتهي الامتحانات الا وهي زايده 4 كيلووسلااااااامتكم..............




أمانه لا احد يزعل من البنااات ودور الشباب احين في الطريج http://www.kuwait4us.net/vb/images/smilies/poster_l3v[1].gif


حركات الرجال عند المذاكرة<<<<حتى المذاكرة عندهم حركتات حالة خخخخhttp://www.kuwait4us.net/vb/images/smilies/49ar.gif

اول شي:يدور الكتاب لأنه مضيعه ويحوس البيت كله على شان كتبه واخرتها يلقه حاطه بالدولاب او الثلاجه عادي ماتفرق واحيانا تحت السرير<< احد يخش كتاب تحت السرير


ثانيا:يلقا الكتاب ويفتحه يبي يذاكرالولد
شوى لقى مكتوب مع تحيات ابو فيصل وابو عابد اصدقائه
الولد استانس وجلس يتذكر اى يوم كتبوها وش كانوا يسولفون عنه ويجلس يتذكر<< مسوي ذكريات>


ثالثا:
يلقا موضوع ماحدده او ماكتب فيه شي او كان غايب او شي
يقول خلني اطلع انقل من الشباب ويطلع ويروح مع ربعه وسوالف ومعاكس للبنات وضحك ويرجع البيت متاخر وهو ماحدد شي والله من الدجه


رابعا:
تجيه امه ياولدي انت ماكلت شي من الصبح روح اكل انت ناحف
الولد يسوىانه ماله نفس يمه مالى نفس خليني اذاكر
شوى يمه ممكن طلب ابي اروح اشتري عشا من المطعم يعني ماياكل الا من اكل مطاعم .......حركات قديمه


خامسا:يقول بواصل اذاكر وهو سهران على الماسنجر او التلفزيون
والكتاب مفتوح على المقدمه (الفهرس)

سادسا:يفكر بالخطط المستقبلية انا بس اخلص واصير محامي ويكون راتبي كذا واشتري سيارة
شكلي ما بتزوج لان اهم شي راحتي .. العب كرة اول ماخلص امتحان على طوول الشباب ينطروني http://www.kuwait4us.net/vb/images/smilies/36_7_7.gif

سابعا:قبل لايروح للامتحان
يماه انا تعبان بطني يعورني او راسي .........على شان اذا ماحل يقاله صرف عمره


واخرتها الولد راسب مافلح>>>>>.........
خخخخخخخ

http://www.kuwait4us.net/vb/images/smilies/36_1_19.gif

السموووووحه من الجنسين http://www.kuwait4us.net/vb/images/icons/56ar.gif

يالله كل واحد يقوول اي نقطه جدا تناسبه

[الشقاوية]

العصيمي مساك الله بالخير - جبتها على الجرح والله اعرف بنات وخاصيين بعد ماتطيب لها المذاكرة للامتحانات وخصوصا يكون باجر لاحظ باجر امتحانها وتقول بروح اي عرس احضرة انشالله هنود بس بونس نفسي قبل ادرس وتقعد لحد ماتدق ساعة اليوم الثاني وسندريلا وصلت بيتها -انا تعودت على النوعية هذي خصوصا لما ادق تالي الليل تقول انا ناسية فصل ماكتبته مع الدكتور وتلقاني منومه العيال و نايمة الساعة عشر عندي دوام واهي تكلمني اخر الليل والله اخترعت عبالي اهلي فيهم شي عصبت عليها وسكرته بوجها ولليوم هذا تشوفني وماتسلم علي شتقول للنوعية هذي اللي ماتفج ضيقتها الا بالعروس الله يسامحها المفروض كل وحده تقدر ظروف صديقتها وشنو نوعية اهلها في ناس تنقد على جذي صديقة وخصوصا لما تكون الوحدة متزوجة وتنصدم بالليل هالاتصال شقول زوجها عنها ما عندها وااالي يضفها مرات استحي من تصرفات بعض الصديقات بس الواحد مايفقدهم اذا كانت فيهم سلبية صغيرة مع الوقت ممكن انها تتغير -تحياتي العصيمي والسموحة على الاطالة

[وردة فرساي]

ههههههههههههههههههههه


تسلم بدر عاد هذصج وقته

يعطيك الله العافية وما ننحرم جديد طرحك

دمت بسعاده

[red.roses]

امبيه كل هل حركات اسويها هههههههههههه

[قادم بقوة]

مشاءالله عليك صديقي بدر بس جنه هذي سوالفك ..!!

مادري منو قبل الامتحانات يبي يطلع ..! ههههههههههههههههههه

بس جبنها ريت هذي سوالفنا ( بنات و شباب ) وقت الدراسه يحوشنا النعاس الدراسي والجوع ليش ما ادري؟؟

وتجيك حاله غريبه => بس عشان ما تدرس

الله يوفقنا كلنا و ومشكور على الموضوع الي يوصف حالتنا الغير طبيعيه ..:)

[أخت الشقرة]

ههههههههه هههههههههههه هههههههههه

مشرف بدر العصيمي :

خوووووووش حركات خشنة مرة :) ^^ وقت الدراسة دراسة مافيها لا لعب ولا غشمرة ^^ آمحق هههههههههه

الله يعطيك العافية مشرفنا ..

دمت بتميز

تقبل مروري

=)

[βầĐēŕ]

السلام عليكم ورحمه الله وبركاته

اخواني واخواتي

انشالله دوم الضحكه هذى

واشكركم من كل قلبي على مروركم

[R_q8]

ثانيا:يلقا الكتاب ويفتحه يبي يذاكرالولد
شوى لقى مكتوب مع تحيات ابو فيصل وابو عابد اصدقائه
الولد استانس وجلس يتذكر اى يوم كتبوها وش كانوا يسولفون عنه ويجلس يتذكر<< مسوي ذكريات>
لوووووووووووووووووووووووووووووووووووول
هذي حركااااااااات البنااااات سوالف بالكتاب
ووووووووووو وصج كلامك :grty:

[D E M E R A]

هههههههههههههههههههههاي

كل الحركآت حقوق الطبع محفوظة على جبهتي هههههههه

لاهنت بدر // لبى قلبك عالموضوع النآيس

[كندوره]

والله سالفة الكتمه ملازمتني من الثانويه بسبب ضغط الدراسه و الحصول على نسبه
ويتني بقوه لما كنت ادرس بجامعة الكويت و انفصلت
و بالمعهد ما زالت معاي بس الأوضاع مستقره الحمد لله
و مازالت معاي الحين بس بشكل خفيف
الله يستر وان شاء الله اقدر اكمل بدلمون

[أحلى البنات]

1.الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحراااام ،، واحيانا تزيد وجبات اضافية اذا كانت المادة دسمة .




3.بعضهم ينزل عليها وسواس نظافة ايام الامتحانات تستحم الصبح والليل وتستشور شعرها كل مرة طبعا مايصير تخليه يخترب وبكره كيف تروح الجامعة والكتاب على برد طبعا هذي من واجباتها اليومية ماتقدر تتركهاعشان تذاكر مايصير



هههههههههههههههههههههههههه


اي وانت الصاااج يا بدر <<< حركااااتنا اياام الثانويه

اضحك الله سنك يا بدر

امتعتنا بهالموضوع الفرفوشي :):)

[chub-ati]

الصراحة انا طبيعي كله يوعانة و دايخة بس وقت الامتحانات اخذها عذر ما اقدر ادرس لين اكل اللي مشتهيته عاد اطلعلي اكله مستحيل القاها و ما اطق في مخي الا تاليي الليل و بعدين اطنقر لاني ما كليت و اروح اسولف معا رفيجاتي و بعدين اروح انام و اقول وييي راحت علي نومه لازم ااجل الامتحان <<<< بس كل هذا ايام الثانوية والله كانت ايام حلوه الصراحة شي جميل الواحد يدرس قبل الامتحان اب ربع ساعة
بس الحين تطورت قمت ادرس قبل الامتحان اب ساعتيين من تلاخيص تويوتا آآآآ اقصد كيوتا :harhar1:
و اسفة على الاطالة :blush:

[βầĐēŕ]

اخويR_q8 (http://www.delmoon.net/vb/member.php?u=1890) اسعدني مرورك

اختي نجلا هههههههه بالتوفيق يارب ويكون لج للدراسه الحين يعطيج العافيه يارب

اختي دهن عود عسى الله يوفقج ويكت الي فيه الخير لج ومشكوره على مرورج

اختي احلى البنات دوووم الضحكه يارب يعطيج العافيه على مرورج


chub-ati (http://www.delmoon.net/vb/member.php?u=1032) ياهلا اختي والله يعينج ويوفقج نورتي الموضوع

[الظفيري]

هههههههههههههههههههههههههه

والله انك جبتها ،بس ابسئلك انت شدراك بهالسوالف اكيد مجرب 100%100

[تهبل وتستهبل]

ثانكس خيووو على الموضوع النااايس


اغلب الحركات هههههههههه اسويها بس موب قصدي

لاهنت :: تقبل مروري ؛)

[دلمووونية]

يعطيك العافية