هل ستحضر زفاف والدك...

[نور الفجر]

--------------------------------------------------------------------------------

السلام عليكم ورحمه الله وبركاته .....


الموضوع من عنوانه


لو ابوك تزوج هل تحظر زواجه وتقعد معاه ويجون يباركون لك

وتزف المعرس اللي اهو ابوك او ( تزفين العروس اللي اهي مرت ابوك)
وتجلس مع اهل العروس وسوالف وضحك وتقوم بالواجب .؟



السؤال

هل ستحظر زفاف والدك ؟؟؟؟؟؟؟؟؟

[فهد العجمي]

اكيد حضر اول واحد وهذا اذا موقبله بيوم بعد ...

هذا ابوي والشرع سمح في اربع اذا عنده استطاعه واذا لم يقدر على التوفيق بينهم فواحده .

[نور الفجر]

عجبني ردك و الله
خخخخخخخخ

بس يمكن تزعل الوالده منك صح

[عبدالله المطيري]

اقبل واشد علي ايد الوالد بقوه والله ولي التوفيق له ولي عروسه والوالد اهو الوحيد المعني بذلك وصدقيني مراح ازعل ولا راح اتضايق من الموضوع بالعكس شي حلو ان الوالد يشوف له السعاده اللي تريحه واهو اعتقد يعرف وين مصلحته موجوده ولا اكون انا اعينه واقوم بكل التكاليف واشرف علي الفرح

صج الوالده راح تزعل علي بس وش راح اسوي راح انطق منها بس كل يهون عشان الوالد هههههههههههه


مع تحياتي
عبدالله المطيري

[نور الفجر]

شكرا على الرد الحلو

و الله يخلي لك الوالد و الوالده

و تحياتي

[LORD]

لا الصراحة بكون مشغول

بس لو يسويه العصر ممكن أفكر لانه تعرفين بليل اكون اجهز روحي حق السهرة

مشكورة على الموضوع


اوووه صح نسيت اقولكم حياكم ويانا على السهره ؟؟؟؟

[الصفي]

امي امي امي قلبي عليج يا امي وافهم ياا فهيم

[A7madee]

مشكوره اختي مميزه جدا على الموضوع الحلو

وصراحه انه اول شي براضي الوالده وبعدين بروح عرس الوالد

لان تدرون اذاماقلتلها الله يستر يبي لي سنتي علشان اراضيها


ت ح ي ا ت

ي بج بج

[MiLano]

أكيد بوقف بعرس أبوي لأنه [ أبوي ]

والشرع حلل أربع بدال الوحدة ، والوالدة أكيد بتعذرني


.
.
.


عاد الوالد كل ما نتفتح معاه موضوع الزواج مرة ثانية [ طبعاً نتغشمر معاه ]

يعصب ويطردنا يحليله أبوي مغرم بالوالدة :D


.
.
.


شكراً مميزة .. فعلاً مميزة :thnQ:


.
.
.



MiLano

[توته البسكوته]

انا ابوي متوفي الله يرحمه

و امي حالفه ما اتزوج الا شيخ

[AL-QARAWI]

وانا بعد والله الوالد متوفي بس لو على حياته اوافق وارضي الطرفين الوالد والوالده واوقف معاهم بالحق
بس ما ادري اختي توته ما حددتي شيخ دين قصدج ولا اسمه شيخ ولا اهو شيخ قبيله ولا شنو بضبط ؟
وجنه موضوع زواجج ماله شغل بالموضوع ؟ ؛)
بس عسى الله يحقق مطالب الوالده ويوفقج
Al-qarawi

[ღ قطعة سكر ღ]

انا عن نفسي


لا طبعا ماارضى ولا افكر اني اروح اباركلو حتى بالكلام يعني


تسلمي خيتو ع الموضوع


وعطيكي الف عافيه

[مسلم الرشيدي]

السلام عليكم ورحمة الله وبركاته......

بالنسبه للموضوع هذا ومع اني متاكد ان الوالد عسا الله يطول بعمره ماراح يسويها بس لو سواها انا راح اكون اول من يحضر واول من يقوم بامور العرس كلها حتى المهر انا اللي ادفعه كله لعيون الوالد ولا راح اوفيه حقه.......

تقبلوا تحياتي......