حياة صعبة

[عايزة أتجوز]

في يوم حسيت إنك وحيد
مافي أحد يفهم مشاعرك
أو حتى يجلس معاك
في يوم ضاقت فيك الدنيا... و بجيت
حاله غريبه الحياة
صعبه و ينقصها الحنان
في يوم كان عندي أخت
كنت أحبها و تحبني
نفهم بعض من رمشة عين
دوم كنا ويا بعض
كنت أنا أكبر منها بثلاث سنين
و مع أن بشرتها بيضه و انا سمره
و شعرها طويل و شعري فصير
إلا إن الناس كل مايشوفنا يقولول أنتم توأم
كنا نضحك من هالشي
و نقول
احنا أكثر من توأم
أحنا أكثر من خوات
عشنا أيام حلوه وايد
و كبرنا نحب الخير لبعض
صج في بعض الأحيان
نغار
وكل وحده تسوي مقلب بالثانيه
بس من أيي وقت النوم
ننسى كل شي
و مانذكر إلى الحب إلي بينا
كبرنا و اكبرت الدنيا فينا
ماتغيرت قلوبنا
لكن صار شي جرحنا و تيَه دروبنا
هذه الحياة
صعب نعيشها
صعب نفهما
أختى
إبتعدت عن البيت
وراحت تكمل دراستها في دوله بعيده عني
و راحت من غير رضا أمي أو أبوي
راحت مع صديقه لها
خلتني بروحي في البيت
أنا إلي ساعدتها
و ودعتا و ودعتني
حضنتها و بجينا
و قلنا كلها جم يوم
و بنجتمع من يديد
مر يوم و مرة سنين
في البدايا كنا نكلم بعض
بين اليوم و اليله
تعلمت الأنترنت
علشان أتكم وياها
كانت لحظات غريبه بس حلوه
فرحت لها
و قلت خل تحقق هدفها بالحياة
بس طالت الأيام
و الأتصالات قلت
و البعد زاد
كبر الفراق بينا
و الغربه تغير الناس
سألتها متى بترجعين البيت مرة 4سنين ونتي بعيده عنا
قالت ماراح ارجع
قلت لها ليش
قالت ماأقدر
قلت شنو يمنعج
قالت ماأبي أحد يتحكم فيني
قلت بس هذا بيتج و أمج و أبوج ودهم يشوفونج
ودهم تردين لهم
قالت ماأبي أخواني يتفلسفون علي
قلت لها بس أمي صارت كبيره و أبوي تعبان حرام يصير فيهم شي و نتي بعيده
قالت أمي و أبوي ماراح يصير فيهم شي و كل شي نصيب و قدر من الله
قلت لها الله يسامحج
و من يومها و ماتكلمنا مع بعض
و مرة سنه و ما أعرف أخبارها
أختي صارت غريبه عني
حتى ذكرياتي معاها
صارت غريبه في حياتي
ليش كل هذا يصير
هذي الحياة
علمتني
كل شي يصير!

[نافع المطيري]

الله .. حقيقه اعجز عن التعليق
تسلمين وانشالله اخر الاحزان

[قهوة مسكوبة]

امبيه من صجج؟ يعني هالموضوع عن حياتج الخاصة والا منقول ياريت توضيح ياالغلا..

اذا اهو حقيقة وواقع صايرلج فبصراحة عورتي قلبيييييييييي حيييييييييل يابعد قلبي وحسيت ان احد يكتب عني سبحان الله تقريبا صار معاي نفس الاحساس بس مع فراق رفيجتي مع اختلاف المواقف

الله يعينج ويردها لكم انشالله <الصراحة ماادري شقول امر مؤلم حيييل والله للي يعيشه


ومشكورة عالطرح حبيبتي ..

[قانوني-كويتي]

قولي آمين ..
ان شالله تتزوجين وتلاقين الانسان اللي ينسيج أهلج كلهم ..
..
انزين وبعدين شصار ؟!!

[وردة فرساي]

الحزن غلف اجواء المتصفح

هنا عشنا معكِ كل هذه اللحظات التي سطرتِها

واقع مؤسف ولكن مهما طال الليل لابد ان ينجلي وتشرق الشمس من جديد

[الورده]

شكرا لك أختي // عايزه أتجوز ..
قصه مؤلمه جدا وسالت دموعي وأنا أقرأ تلك الأسطر الحزينه ..
ولكن عزيزتي أحيانا لانرى بالأشخاص اللي نحبهم إلا الأشياء الزينه ..
لربما يكون الحب هو الطاغي على كل سيء فيهم ..
وأحيانا عندما يخطيء من نحبه سريعا مانلتمس له العذر بدافع الحب ..
لكن أختي الكريمه في هذه الدنيا توقعي الغير متوقع والغير معقول ..
وياما لكِ من الصدمات اللي ليست على البال ..
وفي نهاية كلامي لايسعني إلا أن أقول ..
الله يهداها ويصلح شأنها مهما كانت الظروف ولكن الوالدين لايتعوضون ..
لايعرف معنى الوالدين إلا اللي فاقدهم ..
وأما أنت فالله يصبرك على ما أنت فيه ..
دمتِ برعاية الباري وحفظه ..

[بتجاه الشرق]

فعلا الحياه صعبه ... الله يعينج اختى

يستعصي على الإنسان فهم نفسِهِ وذاته... تارةً يصل وأخرى يتعثر... بخطواته..."

[عايزة أتجوز]

يعجز لسان عن إيجاد كلمات
تعبر عن شكري لكم
و يكفي اقول
لقيت متنفس لهمي
لو تدرون أشكثر
قلبي متأثر من فراق أختي
والله إني أحبها
و ودي أشوفها مرتاحه
و دي أكلمها ودي أدز لها رساله أطمن عليها
بس إهي ما ترد علي و ما تكلمني

[نافع المطيري]

شيئ صعب علي النفس ان ياتي الاسي
والظلم ممن نحب.. عليك بالصبر والدعاء
ولكنك ابدعتي بطرح محنتك واخرجتي تاوهاتك
فهذا من ايجابيات الأزمه
تمنياتنا لكي بلم الشمل مع اختك
تقبلي مروري

[الورده]

أختي الكريمه .. أحيانا يحتاج الإنسان أن يبوح عمابداخله ..
لكي يرتاح .. ولكن إنتي طرحتي محنتك الصعبه وفراق الإخوان صعب ..
لكن أنصحك نصيحه لوجه الله ..
أختي إدعي لها بالهدايه والرجوع عما هي عليه ..
وأنصحك بأن لاتيئسي من إرسال الرساله أوالإتصال بها..
إذا هي ماترد لاتئسين يجي لها يوم وترد ولكن لاتتوقفي عن مواصلتها ..
مهما صارت الأمور صعبه .. مافي شي على الله ببعيد ..
سبحانه مغير الأحوال ..
والله يجمع شملكم ياااااااااااارب ..

دمت برعاية الباري وحفظه ..

[@أمير الشوق@]

عايزه اتجوز موضوع محزن ومؤثر الله يعطيك الف عافيه عليه يااختي

وتقبلي مروري
اميرالشوق