عبدالله المطيري
05-11-2008, 09:10 PM
خارج حدود الزمن و الوقت و اسواره = وقفت حاير مع الذكرى و طاريها
مرّيت صدفه على بابه على داره = زلة قدم يوم ساقتني خطاويها
سرحت بالفكر اناجي القلب و اسراره = قمت اتذكّر حبيبٍ لي سكن فيها
شفت الدريشه تعانق قطعة ستاره = بالحان حزنٍ على النسمات تشجيها
و اطلال بيته تسائلني عن اخباره = تقول لي حيل مشتاقه لماضيها
دخلت شفت الرسوم و باقي آثاره = حينه طرى الوشم منقوشٍ باياديها
لقيت علبة قديم العقد و سواره = تقول ياليتني معها مخاويها
نفضت عنها شحوب الوقت و غباره = و قبّلتها قبلةٍ بالحيل مغليها
و هلّت دموعي على الخدّين مدراره = تبكيه لو كان ناسيني و ناسيها
عقب رحل بي حنيني و طيفها زاره = رجعت تايه مع الذكرى و داعيها
و ادوج في كل يوم اقوم بزياره = و أمرّ داره و اصبّحها و امسّيها
أحب داره و سكّتها مع الحاره = و احب جيرانها و اللي يواليها
والوم من لامني في الدار و جداره = حيث ان قلبي عشق من كان راعيها
اخوكم عبدالله المطيري
قانون
مرّيت صدفه على بابه على داره = زلة قدم يوم ساقتني خطاويها
سرحت بالفكر اناجي القلب و اسراره = قمت اتذكّر حبيبٍ لي سكن فيها
شفت الدريشه تعانق قطعة ستاره = بالحان حزنٍ على النسمات تشجيها
و اطلال بيته تسائلني عن اخباره = تقول لي حيل مشتاقه لماضيها
دخلت شفت الرسوم و باقي آثاره = حينه طرى الوشم منقوشٍ باياديها
لقيت علبة قديم العقد و سواره = تقول ياليتني معها مخاويها
نفضت عنها شحوب الوقت و غباره = و قبّلتها قبلةٍ بالحيل مغليها
و هلّت دموعي على الخدّين مدراره = تبكيه لو كان ناسيني و ناسيها
عقب رحل بي حنيني و طيفها زاره = رجعت تايه مع الذكرى و داعيها
و ادوج في كل يوم اقوم بزياره = و أمرّ داره و اصبّحها و امسّيها
أحب داره و سكّتها مع الحاره = و احب جيرانها و اللي يواليها
والوم من لامني في الدار و جداره = حيث ان قلبي عشق من كان راعيها
اخوكم عبدالله المطيري
قانون